Bilə-bilə orucu pozanlar əvəzinə nə etməlidir?  - CAVAB 

 Ramazan ayının artıq ikinci günüdür. 

Oxu24.com ibatəd edən şəxsləri maraqlandıran bir neçə suala cavab hazırlayıb.

- Orucu pozan məqamlar hansılardır?

- Orucu pozan bəzi əməllər var. Birinci növbədə yemək və içməkdir. Sonra cinsi yaxınlıq etmək. Daha sonra imalə etmək. Boğaz vasitəsilə çoxlu miqdarda toz qəbul etmək. Siqaret çəkmək də bura aiddir. Ən əsas amillərdən biri isə Allah və Həzrəti Peyğəmbər adından yalan danışmaqdır. Sübh azanına qədər boynunda vacib qüsul almaq varsa onu etməsən həmin gün tutduğun oruc batil hesab olunur. İnsan səfərdə olanda da orucu pozulur. Yəni, zöhr namazı səfər ərəfəsinə düşərsə oruc pozulur. 

Qəsdən orucu pozmağa görə 2 ay əlavə oruc tutmalısan

Bir sözlə, səkkiz əməl orucu batil edir: Yemək və içmək, cima, istimna (yəni özü ilə məninin xaric olmasına səbəb olan bir iş görsə və ya başqası ilə cimadan geyri bir iş etməklə məni xaric etməsinə deyilir.), ehtiyat-vacibə əsasən Allaha, Peyğəmbərə (səlləllahu ələyhi və alihi və səlləm) və Peyğəmbərin canişinlərinə (ələyhimus-salam) yalan isdinad vermək (onların adından yalandan bir söz demək), ehtiyat-vacibə görə tozu boğaza yetişdirmək, sübh azanına kimi cənabət, heyz və nifas halında qalmaq, axıcı şeylərlə imalə etmək, qəsdən qusmaq.

- Orucu bilə-bilə pozmaq olarmı?

- Bilə-bilə orucu pozmağın kəffarəsi var. Qəsdən orucu pozmağa görə 2 ay əlavə oruc tutmalısan.

Həmçinin oxuyun

Azərbaycan incəsənətinə ağır itki ÜZ VERİB: Məşhur siyasi xadimin qızı dünyasını dəyişdi  

Güclü leysan,ardınca qar yağacaq    —   ƏHALİYƏ XƏBƏRDARLIQ 

Bu ölkə də Rusiya əleyhinə ÇIXDI: Regionun taleyi sual altındadır  - POLİTOLOQLA MÜSAHİBƏ

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

- Sübh azanı eşidilən zaman qida qəbul etmək olarmı?

- Oruc tutan insan sübh azanını eşidəndə yeməyi dayandırmalıdır. Təbii ki, oruc tutan şəxs bu zaman ağzındakı loxmanı uda və ya suyu içə bilər.

- Bəs, kimlərə oruc tutmaq olmaz?

- Səhhətlərində problem olan insanlar oruc tutmaqdan məhrumdurlar. Xüsusən də şəkər, təzyiq xəstəliyi olan insanlar, ahıllar burada yer alırlar. Gələn Ramazan ayına qədər səhhəti düzəlməsə, şəfa tapmasa xəstəliyi davam edərsə həmin adamlar hər gün üçün müttəhab, yəni fəqirə bir nəfəri doyuracaq qədər yemək verməlidir. Azyaşlı uşaqların oruc tutmasına gəlincə qızlara 9-13 yaşa qədər, oğlanlara isə 13 yaşından 15 yaşadək oruc tutmamaları bağışlanır. Azyaşlıların oruc tutmaları həvəs xarakterlidir ki, öyrəşmək məqsədi daşıyır. Valideyn onlara icazə versə tuta bilərlər.

Mənbə: Qafqaz Müsəlmanları İdarəsinin “TəzəPir” məscidinin imamı, islamşünas Hacı Ağasəid Yaqubovun   “İki sahil”ə verdiyi müsahibə