DİN Qənirə Ataşovanı şantaj edənin hesabını sildi

news/2025_04_04/b79a69ddaf10962c806825a0b3b444a2_1743777156.jpg

CƏMİYYƏT

476

04.04.2025, 18:32

Daxili İşlər Nazirliyi hazırda ABŞ-də yaşayan jurnalist Qənirə Ataşovanı sosial şəbəkədə şantaj və təhdid edən şəxsin hesabını müəyyənləşdirərək silib.

Bu barədə jurnalistin özü məlumat yayıb.

Qənirə Ataşova buna görə Daxili İşlər Nazirliyinə təşəkkür edib:

"Bir müddətdir ki, TikTok sosial şəbəkəsində mənim və ailə üzvlərimin ünvanına təhqiredici məlumatlar paylaşan bir hesab fəaliyyət göstərirdi. Süni intellektdən istifadə edənlər elə düşünürdülər ki, tapılmayacaqlar. Məsələ hüquq-mühafizə orqanlarının nəzarətində idi və qısa müddət ərzində həmin hesab müəyyən olunaraq silindi.

Həmçinin oxuyun

Ən çox generalı olan nazir - Heydərovun müavinləri haqqında MARAQLI FAKTLAR

Türkiyə Gültəkin Hacıbəyli ilə bağlı qərarını verdi

SON DƏQİQƏ! 23 ilin məmuru işdən AZAD OLUNDU

Ədliyyə nazirinin müavinləri harada təhsil alıblar?

Eyni zamanda təhqir yazan hər kəsə bir mesaj vermək istəyirəm: istər gizli adlardan istifadə edin, istərsə də VPN-lə gizlənməyə çalışın – unutmayın ki, sosial mediada heç nə gizli qalmır. Yazdığınız hər bir cümlə, istifadə etdiyiniz telefon, internet dalğası, hətta yazarkən barmağınızın toxunduğu ekran və gözünüzün rəngi belə iz qoyur. İnsanlar haqqında şər-böhtan, təhqir və şantaj xarakterli paylaşımlar etməzdən əvvəl düşünün. Dövlət bütün bu prosesləri izləyir və lazım gəldikdə sizin kimliyinizi də müəyyənləşdirə bilir".

Qeyd edək ki, bir müddət əvvəl jurnalist Qənirə Ataşova sosial şəbəkədə bəzi şəxslərin onu təhdid və şantaj etməsi ilə bağlı Azərbaycanın hüquq-mühafizə orqanlarına çağırış etmişdi.

Xatırladaq ki, Q.Ataşova bir müddət öncə saxta diplomlu estetik həkimlərin siyahısını yaymışdı və bu məsələ Azərbaycanda ciddi səs-küy doğurmuşdu.