İmmuniteti gücləndirən möcüzə...

Qırmızı kələm zəngin antioksidant tərkibi və vitamin-mineral baxımından yüksək dəyəri ilə sağlam qidalanmada mühüm yer tutur.

Oxu24.com  xəbər verir ki, sərbəst radikallarla mübarizə apararaq hüceyrələri qoruyan bu tərəvəz, immunitet sistemini gücləndirməklə yanaşı, ürək və damar sağlamlığını da dəstəkləyir.

Mineral və vitamin baxımından zəngin mənbə

Qırmızı kələm A, B6, C və K vitaminləri ilə yanaşı, maqnezium, fosfor, kalsium, kalium, dəmir, sink və mis kimi vacib minerallarla zəngindir. Fitokimyəvi tərkibi sayəsində həm çiy, həm də bişmiş formada sağlam qidalanma üçün ideal seçimdir.

Həzm sisteminə müsbət təsir göstərir

Liflə zəngin olan qırmızı kələm mədə-bağırsaq sisteminin daha yaxşı işləməsinə kömək edir. Salat formasında qəbul edildikdə, həzmi yüngülləşdirir və mədə problemlərini aradan qaldırmağa yardım edir.

Dərinin sağlam görünməsinə kömək olur

Tərkibindəki C vitamini sayəsində kolagen istehsalını artıran qırmızı kələm, dərini gənc və elastik saxlamağa kömək edir. Eyni zamanda nəmləndirici xüsusiyyəti ilə dərinin qurumasının qarşısını alır və ləkələrin azalmasına dəstək verir. Antiinflamatuar təsiri ilə sızanaq və digər iltihablı dəri problemlərinin qarşısını ala bilər.

İmmunitet sistemini möhkəmləndirir

Tərkibində bol miqdarda C vitamini və antioksidant olan qırmızı kələm, mövsümi xəstəliklərə qarşı bədəni qoruyur. Xüsusilə salat və ya şirə formasında mütəmadi olaraq istifadə edildikdə immunitet sistemini gücləndirir.

Həmçinin oxuyun

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

İki  keçmiş nazirlə bağlı ŞOK AÇIQLAMA: Ramiz Mehdiyevə qarşı....

Tanınmış müğənninin qızı HƏBS EDİLDİ

Bağırsaq sağlamlığını qoruyur

Qırmızı kələmin antioksidant və liflə zəngin tərkibi, bağırsaqların fəaliyyətini tənzimləyir və mikroblara qarşı qoruyucu təsir göstərir. Xüsusilə bağırsaq problemi yaşayanlar üçün qırmızı kələm suyu tövsiyə olunur.

Xəstəliklərə qarşı qoruyucu rol oynayır

Qırmızı kələmə tünd rəngini verən antosiyanin maddələri güclü antioksidant xüsusiyyətə malikdir. Tədqiqatlar göstərir ki, antosiyaninlər piylənmə, tip 2 diabet və ürək xəstəlikləri kimi bir sıra xəstəliklərin qarşısının alınmasında təsirli ola bilər.

Turşusu da faydalıdır

Qırmızı kələm turşu formasında da istifadə oluna bilər. Turşunun tərkibinə əlavə edilən sirkə və limon suyu onun faydasını daha da artırır. Xüsusilə sirkəli versiyası bağırsaq florası üçün faydalıdır.

Qırmızı kələm necə saxlanılmalıdır?

Qırmızı kələm soyuducuda doğranmış formada və ya turşu şəklində uzun müddət təravətini qoruya bilər. Hava keçirməyən qablarda limon və ya sirkə ilə saxlanması tövsiyə olunur. Turşu hazırlanarkən isə əvvəlcə doğranıb duzda gözlədilir, sonra isə sirkə və limon turşusu ilə fermentasiya edilir./Pravda.az