Kərə yağı ilə birlikdə bu məhsulları  YEMƏK OLMAZ

Kərə yağı çoxumuzun qidalanmasında əvəzolunmaz məhsuldur. Lakin müəyyən məhsullarla birlikdə istifadə edildikdə, təkcə faydasını itirmir, hətta zərərli ola bilər.

Oxu24.com  kərə yağı ilə bərabər istifadəsi zərərli olan qidaları təqdim edir:

Kərə yağı haqqında nə bilməliyik?

Kərə yağı doymuş yağlar və yağda həll olunan vitaminlərlə zəngin bir məhsuldur və rasionumuzda mühüm rol oynayır. Lakin bu, onun bütün kombinasiya və yeməklərlə faydalı olacağı anlamına gəlmir. Yanlış birləşmələr yalnız həzm sistemini yükləmir, həm də vacib qida maddələrinin mənimsənilməsini çətinləşdirə bilər.

Kərə yağı və qırmızı ət birləşməsi

Süfrələrimizdə populyar olan kərə yağı ilə qırmızı ətin birləşməsi sağlamlıq üçün müəyyən riskləri artırır. Hər iki məhsul çoxlu doymuş yağ ehtiva edir ki, bu da "pis" xolesterin kimi tanınan LDL səviyyəsinin artmasına səbəb ola bilər.

Mütəxəssislər bildirirlər ki, bir porsiyada həddindən artıq yağın qəbulu qaraciyərə və bütün həzm sisteminə əlavə yük yaradır.

Tövsiyə: Yağlı kolbasa və ya vetçina əvəzinə kərə yağı ilə az yağlı, soyudulmuş bişmiş ət istifadə etməklə sendviç hazırlamaq daha məqsədəuyğundur.

Həmçinin oxuyun

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

SON DƏQİQƏ! General bu vəzifəyə təyin olundu

İki  keçmiş nazirlə bağlı ŞOK AÇIQLAMA: Ramiz Mehdiyevə qarşı....

Tanınmış müğənninin qızı HƏBS EDİLDİ

Balıq və kərə yağı

Yağlı balıqlar, - məsələn, losos və skumbriya - ürək və beyin sağlamlığı üçün faydalı olan omega-3 yağ turşuları ilə zəngindir.

Lakin bu cür balıqları kərə yağı ilə qızartmaq və ya sobada bişirmək əks təsir göstərə bilər. Kərə yağında olan doymuş yağlar, balığın faydalı yağlarının təsirini zəiflədə bilər və bir porsiyada həddindən artıq yağ qəbulu həm həzmi çətinləşdirir, həm də orqanizmin qida maddələrini mənimsəməsinə mane olur.

Kərə yağı və yağlı süd məhsulları

Bu ikili - həzm üçün ən ağır birləşmələrdən biridir. Menyuya uyğun inqrediyent seçmək olduqca vacibdir: kərə yağı ilə yağlı süd məhsullarının, məsələn, qaymaq və ya yağlı kəsmiklə birgə istifadəsi həzm sistemini yükləyir. Doymuş yağların yüksək konsentrasiyası, süd məhsullarındakı zülalın mənimsənilməsini çətinləşdirir - halbuki zülal bu məhsulların əsas qida maddəsidir.

Tövsiyə: Süd məhsullarına yüngül əlavələr - məsələn, təzə tərəvəz və ya az miqdarda zeytun yağı əlavə etmək daha faydalıdır.

Qızartmadan imtina etmək daha yaxşıdır

Kərə yağı qızartmalara xüsusi dad verir, lakin bu ən yaxşı seçim deyil. Səbəbi odur ki, kərə yağının tüstülənmə temperaturu aşağıdır, yəni tez yanmağa başlayır. Bu da onun tərkibindəki yağların parçalanmasına, zərərli maddələrin yaranmasına və yeməyin keyfiyyətinin aşağı düşməsinə səbəb olur. /lent.az