Baba Rzayev “Azərenerji”dən göndərilir? - Baş nazir qərar imzaladı

CƏMİYYƏT

327

24.04.2025, 22:08

“Azərenerji” Açıq Səhmdar Cəmiyyətinin (ASC) Nizamnaməsi təsdiq edilib. Müvafiq qərar Baş nazir Əli Əsədov tərəfindən imzalanıb.

Sənədə əsasən, cəmiyyətin nizamnamə kapitalı 2.6 milyard manatdır.

Oxu24.com xəbər verir ki yeni nizamnamədə qurumun strukturunda da dəyişiklik edilib.

Belə ki, ASC-nin ali idarəetmə orqanı onun ümumi yığıncağıdır. Cəmiyyətin fəaliyyətinə cari rəhbərliyi kollegial icra orqanı olan İdarə Heyəti həyata keçirir. İdarə Heyəti 3 üzvdən – Azərbaycan Respublikasının Prezidenti tərəfindən vəzifəyə təyin edilən və vəzifədən azad edilən İdarə Heyətinin sədri və onun iki müavinindən ibarətdir. İdarə Heyətinin sədri müvəqqəti olmadıqda, onun səlahiyyətlərinin icrasını İdarə Heyəti sədrinin müəyyən etdiyi müavinlərindən biri həyata keçirir.

Qeyd edək ki, əvvəlki strukturda "Azərenerji"nin rəhbəri ASC-nin prezidenti idi. Sözügedən vəzifəni Baba Rzayev (Balababa Rzayev) tuturdu. O, bu vəzifəyə 2018-ci ildə təyin edilib.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Xatırladaq ki, ötən il Baş nazir Əli Əsədovun imzaladığı sərəncama əsasən, Balababa Rzayev 2024-cü il üzrə təsdiq edilmiş yanacaq-enerji balansında qazdan istifadənin istiqamətlərini pozaraq müvafiq qaydada razılaşdırmadan elektrik enerjisini ixrac etdiyinə görə cəzalandırılıb və ona şiddətli töhmət verilib.

Sözügedən sərəncam Nazirlər Kabinetinin rəsmi saytında dərc olunub.

Yeni Nizamnamənin təsdiq edilməsindən sonra Baba Rzayevin ASC-nin İdarə Heyətinin sədri təyin edilib-edilməyəcəyi məlum deyil./Modern.az