Bu tərəvəz bağırsaqları “motor” kimi işlədir, sümükləri “beton”a çevirir, qan şəkərini isə... - FOTO

Bir çox tərəvəzlər var ki, ilk baxışda diqqət çəkmir, hətta süfrədə kənarda qalır. Amma tərkibindəki vitamin, mineral və liflərlə bədən üçün əsl möcüzə sayılır.

OXU24.COM  Türkiyə mətbuatına istinadən xəbər verir ki, görünüşcə kiçik olsa da, həzm sistemindən sümük sağlamlığına, enerjidən immunitetə qədər bir çox sahədə orqanizmi dəstəkləyən bu gizli qəhrəman - bamya, müntəzəm qəbul edildikdə təsirini qısa müddətdə göstərir.

Bağırsaqları hərəkətə gətirir, qan şəkərini tənzimləyir

Bamya çox vaxt sürüşkən quruluşuna görə süfrələrdə o qədər də sevilməsə də, sağlamlıq baxımından əsl təbii möcüzədir. Lif, vitamin və minerallarla zəngin olan bu tərəvəz bağırsaq sistemindən dərinin qorunmasına, immunitetdən qan şəkərinin tənzimlənməsinə qədər bir çox sahədə bədəni dəstəkləyir.

Bamya həm həll olunan, həm də həll olunmayan liflərlə zəngindir. Bu xüsusiyyəti ilə həzmi yaxşılaşdırır, bağırsaqların sağlam işləməsinə kömək edir, qəbizlik kimi problemləri aradan qaldırır. Eyni zamanda bağırsaq florasını qoruyur və uzun müddətli həzm sağlamlığını dəstəkləyir.

Ürək və damar sağlamlığı üçün də faydalıdır

Bamyanın jelatinə bənzər quruluşu xolesterin sorulmasını azalda bilər. Bu da ürək-damar xəstəlikləri riskini azaltmağa kömək edir. Aşağı glisemik indeksə malik olduğu üçün qan şəkərini balanslaşdırır və xüsusilə şəkərli diabet xəstələri üçün faydalı hesab olunur.

İmmunitet sistemini gücləndirir

Həmçinin oxuyun

Nazirlər Kabineti yeni QƏRAR VERİB

Pensiyaçılara ŞAD XƏBƏR: Kommunal güzəştlər oluna, maliyyə yardımı edilə bilər…

Nura Surinin həyat yoldaşları kimdir?  —  Müğənninin yaşı,şəxsi həyatı haqqında MARAQLI FAKTLAR

Yazıçı Anarın səfir oğlu kimdir?    —   DOSYE

Tərkibindəki C vitamini, A vitamini, beta-karotin və flavonoidlər kimi güclü antioksidantlar sayəsində bamya orqanizmi sərbəst radikallardan qoruyur, hüceyrə zədələnməsinin qarşısını alır və immuniteti gücləndirir. Mövsüm dəyişikliklərində xəstəliklərdən qorunmaq üçün ideal seçimdir.

Sümüklər üçün təbii dəstək

Kalsium, maqnezium və K vitamini ilə zəngin olan bamya sümüklərin güclənməsinə yardımçı olur. Osteoporoza (sümük əriməsi) qarşı qoruyucu təsirə malikdir və müntəzəm istifadə edildikdə skelet sistemini möhkəmləndirir.

Hamiləlik dövründə də vacibdir

Folat (B9 vitamini) baxımından zəngin olan bamya, xüsusilə hamiləlik dövründə dölün sinir sistemi inkişafı üçün mühüm rol oynayır. Eyni zamanda beyin funksiyalarını dəstəkləyərək diqqəti artırmağa kömək edir.

Zeytun yağlı və ya ət ilə - fərq etməz, əsas odur ki, bamya süfrədə olsun!

Kiçik görünüşünə baxmayaraq, bamya sağlam bir həyatın ayrılmaz hissəsinə çevrilə bilər. Mövsümündə təzə olaraq və ya dondurularaq il boyu istifadə oluna bilər.