Prezidentin qulaq asdığı “Taleyim mənim” mahnısının maraqlı taleyi     —   Arxiv araşdırması +VİDEOLAR

Bu günlərdə ölkə Prezidenti İlham Əliyevin Qarabağa səfəri zamanı avtomobildə dinlədiyi mahnı sosial şəbəkələrdə və mediada viral olub. Prezident İlham Əliyevin səmimi görüntüsü və mahnı insanlar tərəfindən böyük məhəbbətlə qarşılanıb.

Bəs,Prezidentin dinlədiyi “Taleyim mənim” mahnısının taleyi necə olub? Bu mahnı necə yaranıb?

Oxu24.com bununla bağlı araşdırma aparıb.

Möhtəşəm “Taleyim mənim” mahnısı ilk dəfə 1969-cu ildə lentə alınıb. Mahnının ilk ifaçısı  kimi  “Qızıl Fond”da  Xalq artisti  Yalçın  Rzazadə göstərilsə də,mahnının ilk ifaçısı Xalq artisti Flora Kərimova olub.

Hər iki sənətkar bu əsəri özünəməxsus şəkildə və təkrarsız ifa ediblər.Flora Kərimova xüsusilə mahnının zil hissəsini xüsusi peşəkarlıqla ifa etməklə tarixə düşüb.

Həmçinin oxuyun

Leyla Əliyeva xalasını doğum günündə belə TƏBRİK ETDİ  

Respublikanın ən gənc  prorektoru  Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi?  - SUALA CAVAB 

Bəs,”Taleyim mənim” mahnısını kimlər yaradıb?

Musiqisi  Xalq artisti, görkəmli bəstəkar Oqtay Kazımi ,sözləri  Xalq şairi Cabir Novruza məxsus olan əsərin maraqlı tarixçəsi var. 60-cı illərdə musiqimizə böyük yeniliklər gətirən Oqtay Kazımi təsadüfən böyük şair Cabir Novruzla tanış olur. 1967-cı ildə Oqtay Kazımi mahnı bəstələyir və  dostu  Tofiq Zəkaya zəng edərək həmin mahnıya şeir yazmasını xahiş edir.

Lakin,müəyyən səbəblərə görə,Rafiq Zəka bu bəstəyə şeir yaza bilmir. O,gənc bəstəkarı  Cabir Novruzla  tanış edir.Cabir Novruz heç vaxt hazır melodiyaya sözlər yazmadığını əsas gətirərək bu mahnıya söz yazmaqdan imtina edir.

Lakin Oqtay Kazıminin uzun  dirənişindən sonra  Cabir Novruz sözügedən melodiyaya qulaq asır və onların ilk iş birliyi olan “Ey həyat,sən nə qəribəsən..” mahnısı yaranır.

Bu mahnının ardından tərəflər yaxın zamanda yenidən bir araya gəlirlər.Oqtay Kazımi  bir gün Cabir Novruza zəng edərək onun melodiyasına şeir yazmasını xahiş edir. Cabir Novruz bu melodiyaya bir gecədə “Taleyim mənim” mahnısının sözlərini yazır. Mahnı əslində 1968-ci ildə yazılıb.

Yuxarıda qeyd etdiyimiz kimi mahnının ilk ifaçılarına gəldikdə fikirlər haçalanır. Flora Kərimova – Yalçın Rzazadə.Həmin ifaçılardan uzun müddət sonra Əməkdar artist Mətanət İsgəndərli bu mahnını ifa etdi.Prezident də məhz Mətanət İsgəndərlinin ifasında həmin mahnını dinləyib.

Göründüyü kimi tam təsadüf nəticəsində ərsəyə gələn mahnı illər sonra tam təsadüf nəticəsində yenidən gündəmə gəldi və öz tarixi şöhrətini yenilədi.

Müəllif: Miri Məcidli