Almaniyada ifrat sağçı partiyaya qarşı etirazlar keçirilib

Almaniyada ifrat sağçı “Almaniya üçün Alternativ” (AfD) siyasi partiyasına qarşı kütləvi mitinqlər keçirilib və etirazçılar onu ölkəni fasiasiya etməkdə ittiham ediblər.

 

Oxu24.com  xəbər  verir  ki, bu barədə RİA Novosti yazır.

 

Mitinqlərdə yüz minlərlə insan iştirak edib.

 

Agentlik qeyd edir ki, Potsdamda keçirilən etiraz mitinqində Almaniya kansleri Olaf Şolz və xarici işlər naziri Annalena Bärbock iştirak edib.

Nümayişlərə səbəb noyabr ayında AfD nümayəndələrinin bir sıra ifrat sağçı və neonasist təşkilatlarının rəhbərləri ilə gizli görüş keçirməsi, bu görüş zamanı reemiqrasiya planının təklif olunduğu, yəni KİV-də yer alan məlumatlar olub. Söhbət iştirakçıları Almaniyadan qaçqın statusu almaq üçün müraciət edən bütün şəxslərin, “yaşayış hüququ” olan əcnəbilərin, eləcə də “assimilyasiya olunmamış vətəndaşların” çıxarılmasını təklif ediblər.

Yanvarın 21-də Almaniyada 144 mindən çox insanın “Almaniya üçün Alternativ”ə etiraz etdiyi bildirilir. Polisin məlumatına görə, Hannoverdə nümayişə 35 min, Frankfurtda eyni sayda, Karlsruhedə 20 min, Halledə 16 min, Kasseldə 12 min, Ulmda 10 min, Koblenzdə 5 min, Frayburqda 5 min adam toplaşıb. 

Əvvəllər Almaniyada “Almaniya üçün Alternativlər” gənclər təşkilatı ekstremist kimi təsnif edilirdi.

 

Müəllif: Miri