Avropanın mərkəzində “mini-Rusiya” tapılıb

Rusiyanın Ukraynaya təcavüzündən sonra digər Qərb ölkələrinə nisbətən Serbiyaya daha az rus getdi, lakin əhalisi iki milyondan az olan Belqradda onların “varlığı hiss olunur”.

 

Oxu24.com xəbər verir  ki, bu barədə “Reuters” yazır.

Serb məmurları və mühacirləri ilə söhbətlərdən sonra agentlik respublikada “mini-Rusiya”nın formalaşdığı qənaətinə gəlib. Belə ki, ölkədə Rusiyaya məxsus klublar, uşaq bağçaları, tibb müəssisələri açılıb. Rus qrupları, müğənnilər və komediyaçılar Rusiya klublarında çıxış edir, rəssamlar da ruslara məxsus qalereyalarda öz əsərlərini nümayiş etdirirlər.

Serbiya Daxili İşlər Nazirliyinin son məlumatlarına görə, 2022-ci ilin fevralından 2023-cü ilin ortalarına qədər 30 mindən çox rusiyalı Serbiyada müvəqqəti yaşamaq icazəsi alıb (sonradan məlumat yoxdur). Reuters yazır ki, Serbiya rəsmiləri əvvəlki illər üçün müqayisəli məlumat verməsələr də, hərbi əməliyyatların başlanmasından sonra axının kəskin şəkildə artdığını bildiriblər. Bu müddət ərzində ruslar Serbiyada müxtəlif sektorlarda - internet xidmətlərindən tutmuş mehmanxana biznesinə və idman məktəblərinə qədər 11,1 min müəssisə yaradıblar.

Bununla yanaşı, agentlik yazır, bəziləri cəmiyyətə inteqrasiya etməkdə çətinlik çəkir və Serbiyanın daxilində “mini-Rusiyadan yapışmağa” üstünlük verirlər.

Eyni zamanda, Rusiya hakimiyyətini dəstəkləyən serblər Serbiyaya köçən rusların fikirlərini bölüşmürlər.

 

Miri