Çexiyada restoranda partlayış nəticəsində 6 nəfər ölüb

Çexiyanın Most şəhərindəki restoranda içərisində propan-butan qarışığı olan silindrin partlaması nəticəsində azı 6 nəfər həlak olub.

 

Oxu24.com xəbər verir  ki,bu barədə Reuters agentliyi məlumat yayıb.

 

Agentliyin məlumatına görə, hadisə şənbə günü, yanvarın 11-də axşam saatlarında baş verib. Qazın partlaması nəticəsində 8 nəfər xəsarət alıb, daha 30 nəfər təxliyə edilib.

Çexiyanın Yanğın və Xilasetmə Xidməti X sosial şəbəkəsində bildirib ki, ilkin məlumata görə, partlayış qızdırıcının aşması nəticəsində baş verib. Daha sonra binada yanğın başlayıb.

Dekabrda Gürcüstanın Qudauri kurortunda hind restoranında zorakılıq əlamətləri olmayan 12 cəsəd tapılıb. Ölkənin Daxili İşlər Nazirliyi 11 nəfərin əcnəbi, birinin Gürcüstan vətəndaşı olduğuna aydınlıq gətirib. İlkin ehtimala görə, binanın 2-ci mərtəbəsində yerləşən və elektrik enerjisinin kəsilməsi səbəbindən gecə saatlarında işləyən zərərçəkənlərin yataq otaqlarının yanında generator olub.

Bundan əvvəl Petrozavodskda beşmərtəbəli binada qaz partlayışı baş verib.

 

Nigar