Tulada hərbi hospitalda yanğın lokallaşdırılıb

Tulada hərbi hospitalda baş verən yanğın lokallaşdırılıb.

TASS xəbər verir ki, bu barədə regional hökumətin mətbuat xidməti məlumat yayıb.

“Yanğın qarşısı alınıb. Yanğının söndürülməsi istiqamətində işlər davam etdirilir”, - məlumatda deyilir.

Bildirilir ki, yanğının söndürülməsinə Fövqəladə Hallar Nazirliyinin 22 texnikası və 65 canlı qüvvəsi cəlb olunub.

Yanvarın 13-də günorta saatlarında Tulanın mərkəzindəki hərbi hospitalda yanğın baş verib. Binanın dam örtüyü qismən uçub.

Tula vilayəti hökuməti yanğının elektrik naqillərində nasazlıq səbəbindən başlaya biləcəyini bildirib. İlkin məlumata görə, yanğın yardımçı otaqda başlayıb.

Ölən və yaralananlar barədə məlumat verilmir. Müalicə müəssisəsində orduda xidmət edən rusiyalı hərbçilər müalicə olunurdu. Vilayətin qubernatoru Dmitri Milyayev bildirib ki, xəstələrin hamısı başqa xəstəxanalara yerləşdirilib.

Bundan əvvəl Tulanın mərkəzində hərbi hospitalda baş verən yanğınla bağlı təfərrüatlar məlum olub.

 

Nigar