Aİ ölkələrinin Rusiyadan qaz idxalını bərpa etmək ideyası Brüsseli qəzəbləndirib

Aİ-də gələcək Ukrayna nizamlanmasının mümkün hissəsi kimi Rusiyadan Avropaya boru kəməri qazının tədarükünün bərpası ilə bağlı müzakirələr Brüssel rəsmilərini hiddətləndirib.

 

Oxu24.com xəbər verir   ki, bu barədə Britaniyanın “Financial Times” qəzeti yazır.

 

“Rusiya qazının boru kəməri satışının bərpası ilə bağlı söhbətlər Brüsseldəki rəsmiləri və bəzi Şərqi Avropa ölkələrinin diplomatlarını hiddətləndirib, onların çoxu son üç il ərzində blokun Rusiya enerjisinin idxalını azaltmaq üçün çalışıb”, – qəzet yazır.

 

FT hesab edir ki, Rusiya qazının Avropaya ixracının bərpası Moskvanın gəlirlərini əhəmiyyətli dərəcədə artıracaq.

 

Bundan əvvəl həmin qəzet xəbər vermişdi ki, bir sıra Avropa İttifaqı ölkələri Ukrayna münaqişəsinin nizamlanmasına dair gələcək sazişin mətninə Rusiyadan Avropaya boru kəməri ilə qaz nəqlinin bərpasını da təklif ediblər.

 

Bundan əvvəl Avropanın anbarlarında qaz ehtiyatlarının xeyli azaldığı bildirilmişdi.

 

Nigar