ABŞ Trampın Çini Tayvana hücuma necə təhrik etdiyini açıqladı

Barak Obamanın keçmiş müşaviri və Demokratlar Partiyasının strateqi Devid Akselrod bildirib ki, ABŞ prezidenti Donald Trampın Qəzza zolağına nəzarəti ələ almaq zərurəti ilə bağlı açıqlamalarından sonra Çin Tayvana “baxmağa” başlayacaq.

 

Oxu24.com xəbər verir  ki, bu barədə  The Hill nəşri məlumat yayıb.

 

Ekspert vurğulayıb ki, dövlətlər başqa ölkələrin ərazilərini ələ keçirməyə və “bu qaydalarla oynamağa” cəhd etsələr, dünya qlobal münaqişələrə doğru sürüşəcək.

 

“Çinlilərin Tayvana baxanda bunu necə şərh etdiyini təsəvvür edin. Əgər yeni qayda sən istədiyini götürə bilərsənsə, onu götürmək gücün varsa, biz çox, çox çətin günlər keçirəcəyik... çox yaxın gələcəkdə”, - Askelrod bildirib.

 

Fevralın 5-də Tramp fələstinliləri oradan qonşu ölkələrə köçürdükdən sonra Qəzza zolağına nəzarəti ələ keçirməyi planlaşdırdığını açıqlayıb. İsrailin baş naziri Benyamin Netanyahu ilə keçirdiyi mətbuat konfransında o, ABŞ-ın regionun yenidən qurulması və iş yerlərinin yaradılması, həmçinin partlamamış hərbi sursat və digər silahlardan yaranan təhlükənin aradan qaldırılması üçün məsuliyyət daşıyacağını vəd edib.

 

Trampın planları ərəb liderləri və HƏMAS-ın qınağına səbəb olub, onlar Trampın təkliflərini “qovma” adlandırıblar. Netanyahu, ABŞ prezidentini dəstəkləyərək, "qutudan kənarda düşündüyünü və yeni fikirlər təklif etdiyini" bildirib.

 

Nigar