Krımda 20 minə yaxın insan işıqsız qalıb

“Krymenergo” müəssisə şəbəkələrində baş vermiş qəza nəticəsində Krım Respublikasının müxtəlif bölgələrində 18,3 mindən çox insan işıqsız qalıb.

 

TASS bu barədə Krım Respublikasının yanacaq və energetika nazirinin birinci müavini Vladimir Voronkinə istinadən xəbər verir.

 

“Hava şəraitinin pisləşməsi və küləyin sürəti saniyədə 20 metrə çatması səbəbindən Krım Respublikasının “Krımenerqo” Dövlət Unitar Müəssisəsinin şəbəkələrində texnoloji fasilələr yaranıb”, - deyə o bildirib.

 

Simferopol, Kerç, Feodosiya, eləcə də Sakski, Leninski və Simferopol rayonlarının yaşayış məntəqələrinin abonentləri işıqsız qalıb. Ümumilikdə 139 transformator yarımstansiyası elektrik enerjisindən ayrılıb.

 

Fevralın 4-də qar yağması fonunda Rusiyanın üç vilayətində elektrik enerjisinin verilişində fasilələr yarandığı bildirilib. Jurnalistlərin məlumatına görə, 48 minə yaxın insan işıqsız qalıb. Leninqrad vilayətində və Novqorod vilayətinin ərazisində yerləşən 30 yaşayış məntəqəsində elektrik enerjisinin verilişində fasilələr qeydə alınıb. Rostov vilayətində də elektrik yox idi.

 

 

Nigar