ABŞ Ukraynaya 350 milyard dollar xərcləyib

ABŞ Ukraynaya 350 milyard dollar xərcləyib, amma əvəzində heç nə almayıb və əvəzində heç nə almayacaq.

Bu barədə Ağ Evin rəhbəri Donald Tramp Truthsocial sosial şəbəkəsində bildirib.

"Komediya ustası Zelenski ABŞ-ı qalib gələ bilməyəcək müharibəyə 350 milyard dollar xərcləməyə inandırdı", - Amerika prezidenti qeyd edib.

Tramp həmçinin Ukrayna prezidenti Vladimir Zelenskini öz varlanması üçün Rusiya ilə hərbi münaqişəni davam etdirmək istəməkdə ittiham edib.

Bundan əvvəl Rusiya prezidenti Vladimir Putin Avropanı Amerika seçkilərinə müdaxilədə ittiham etmişdi.

Putin həmçinin Trampın Ukrayna böhranını tez bir zamanda həll edəcəyinə dair vədindən danışıb.

Fevralın 18-də Səudiyyə Ərəbistanının paytaxtında baş tutan Rusiya-ABŞ görüşü bir sıra iqtisadi layihələr üzrə əməkdaşlığın bərpasına, eləcə də Ukrayna nizamlanması üzrə mümkün təmasların hazırlanmasına və iki prezident arasında görüşlərin təşkilinə həsr olunub.

Rusiya Federasiyasını danışıqlar masasında xarici işlər naziri Sergey Lavrov və prezidentin köməkçisi Yuri Uşakov, ABŞ-ı isə milli təhlükəsizlik üzrə müşaviri Mayk Vals, dövlət katibi Marko Rubio və Amerika liderinin Yaxın Şərq üzrə xüsusi nümayəndəsi Stiven Vitkoff təmsil edib. İqtisadi məsələlərin müzakirəsi zamanı Rusiya Birbaşa İnvestisiya Fondunun rəhbəri Kirill Dmitriyev görüşdə iştirak edib.

Danışıqlardan sonra Uşakov “pis getmədiklərini” deyib: Moskva və Vaşinqton ikitərəfli münasibətləri inkişaf etdirməyə və bir-birinin maraqlarını nəzərə almağa razılaşıblar. O əlavə edib ki, tərəflər Rusiya və ABŞ prezidentləri arasında görüş üçün şərait yaratmağa çalışacaqlar. Bundan əlavə, o qeyd edib ki, vaxtında Rusiya və Amerikanın ayrı-ayrı danışıqlar qrupları Ukrayna ilə bağlı təmaslara başlayacaq.

 

Nigar