Polşada hündürlükdən düşən naməlum obyekt tapılıb

Polşada böyük hündürlükdən, hətta kosmosdan düşdüyü ehtimal edilən naməlum obyekt tapılıb.

 

Oxu24.com xəbər verir  ki,bu barədə Fakt nəşri məlumat yayıb.

 

Jurnalistlərin məlumatına görə, Pomeraniya Voyevodalığının Çersk şəhəri yaxınlığındakı Będzmierowice kəndinin sakini polislə əlaqə saxlayıb və onun mülkündəki gölməçəyə naməlum əşyanın düşdüyünü bildirib.

 

Çoynise polisinin sözçüsü Maqdalena Zblewska bildirib ki, hazırda hüquq-mühafizə orqanlarının əməkdaşları hadisə yerini qoruyur və nə baş verdiyini öyrənməyə çalışır.

 

Kosmik və aviasiya qurumları, yanğınsöndürmə xidməti və digər idarələr hadisə ilə bağlı məlumatlandırılıb.

 

Fevralın 19-da amerikalı sahibkar İlon Maska məxsus “Starlink” şirkətinə məxsus “Falcon 9” raketinin bir parçasının Polşanın Komorniki bölgəsinə düşdüyü bildirilib. Polşa Kosmik Agentliyi, təxminən dörd ton ağırlığında olan raketin fevralın 1-də Kaliforniyadakı ABŞ Hərbi Hava Qüvvələrinin Vandenberq bazasından buraxılan Space X Starlink Group 11-4 missiyasının bir hissəsi olduğunu bildirib.

 

Bundan əvvəl Polşada kiril əlifbası ilə işarələnmiş hava şarı düşüb.

 

Nigar