Türkiyə Ukraynanın NATO-ya daxil olması ilə bağlı açıqlama verib

Türkiyənin xarici işlər naziri Hakan Fidan Bloomberg TV-yə müsahibəsində bildirib ki, Türkiyə hakimiyyəti Ukraynanın NATO-ya mümkün üzvlüyünə etiraz etmir.

 

Nazirin sözlərinə görə, Ankara Ukraynanın NATO-ya mümkün üzvlüyünə praqmatik yanaşır.

“Bizim Ukraynanın NATO-ya üzv olmaq istəyinə qarşı heç bir şeyimiz yoxdur, amma realist olmalıyıq. Bu, prezidentimiz Rəcəb Tayyib Ərdoğanın səsləndirdiyi rəsmi mövqedir”, - deyə nazir vurğulayıb.

 

Lakin Türkiyə XİN rəhbərinin fikrincə, ABŞ-ın hazırkı administrasiyası çətin ki, bu məsələyə mənfi yanaşmasını dəyişsin.

 

“Mən əmin deyiləm ki, ABŞ-ın əvvəlki hakimiyyət orqanları həqiqətən də Ukraynanın NATO-ya daxil olmasının tərəfdarıdırlar. Ona görə də indi bu məsələdə yeni siyasətin yarandığını düşünmürəm”.

 

Nazir həmçinin vurğulayıb ki, Türkiyə bu məsələni avropalı tərəfdaşlarla və Kiyevlə müzakirə edir. “Anlamaq lazımdır ki, Ukrayna buna təkcə formal üzvlük naminə deyil, həm də öz təhlükəsizliyini təmin etmək üçün çalışır”, - o əlavə edib.

 

Nigar