Fransız şirkəti Ukraynada Starlink-i əvəz etməyə çalışır

DÜNYA

299

05.03.2025, 12:59

Fransanın peyk operatoru Eutelsat, İlon Maskın Starlink terminallarının mümkün bağlanması fonunda Ukraynada əlavə internetə çıxış təmin etmək üçün Avropa hökumətləri ilə danışıqlar aparır.

Oxu24.com xəbər verir ki, bu barədə “Reuters” və “Financial Times” məlumat yayıb.

Şirkət bildirib ki, onun əsas obyektləri birləşdirmək üçün Ukrayna ərazisində tez bir zamanda yerləşdirilə bilən avadanlıqları var. Eutelsat sözçüsü bildirib ki, şirkət Ukraynanın peyk səylərini genişləndirməyə necə kömək edə biləcəyini Avropa İttifaqı ilə fəal şəkildə müzakirə edir.

Financial Times-ın məlumatına görə, Eutelsat-ın Avropa ölkələri ilə apardığı danışıqlara 1200 kilometr yüksəklikdə orbitdə 600-ə yaxın peykdən, həmçinin geostasionar orbitdə Eutelsat peyklərindən (təxminən 35 min kilometr yüksəklikdə) ibarət OneWeb peyk sistemindən istifadə daxildir. Bu peyklər həm Ukraynada, həm də Qara dəniz regionunda rabitəni gücləndirə bilərdi.

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş — Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

Eutelsat rəsmiləri bildiriblər ki, əlavə terminalların yerləşdirilməsi Avropa hökumətlərinin satınalma və infrastruktur koordinasiyası ilə bağlı qərarları nə qədər tez qəbul etməsindən asılıdır.

Eutelsat Starlink-ə rəqibdir və analitiklər deyirlər ki, Fransa şirkəti Muskın sistemini Ukraynada əvəz edə bilər. Eutelsat, Starlink ilə eyni əhatə dairəsi imkanlarını təklif etdiyini iddia edir. Şirkət həmçinin Starlink kimi Ukrayna pilotsuz təyyarələri üçün rabitə təmin edə bilər.

Fevralın sonunda Reuters bir neçə mənbəyə istinadən xəbər vermişdi ki, Kiyev və Vaşinqton arasında mineral ehtiyatlara dair razılıq əldə olunmasa, ABŞ Ukraynanı Starlink-dən kəsməyi düşünür.

Nigar