Hollandiya Avropanı yenidən silahlandırmaq istəmir

DÜNYA

421

12.03.2025, 15:06

Hollandiya parlamentində əksəriyyət krallığın Avropa Komissiyasının (AK) Avropanı yenidən silahlandırmaq təşəbbüsündə iştirakının əleyhinə səs verib.

Oxu24.com xəbər verir k, bu barədə “Volkskrant” qəzeti yazır.

“Niderland Nümayəndələr Palatası (parlamentin aşağı palatası - Red) kiçik fərqlə (71 səs əleyhinə 73 səs ) Hollandiyanın Avropanın yenidən silahlanmasına dair Avropa planında iştirakına qarşı çıxıb”, - nəşr yazır.

Qəzetin yazdığına görə, hakim koalisiyadakı dörd partiyadan üçü - Azadlıq Partiyası (PVV), Fermerlər və Vətəndaşlar Hərəkatı (BBB) və Yeni Sosial Müqavilə (MTK) Avropanı yenidən silahlandırmaq planına qarşı çıxıb.

Beləliklə, nəşr qeyd edir ki, səsvermənin nəticələri Hollandiyanın baş naziri Dik Şofu çətin vəziyyətə salıb, çünki o, bu planı həyata keçirməyə razılaşıb.

Buna görə də səsvermənin nəticələri Şofu Avropa Komissiyasının təklifinə düzəliş etmək üçün Brüsselə qayıtmağa məcbur etməlidir. Öz növbəsində, Hollandiya hökumətinin başçısının koalisiyadakı əleyhdarları hesab edirlər ki, “yenidən silahlanma” planı böyük maliyyə riskləri daşıyır.

Həmçinin oxuyun

Türkiyə Gültəkin Hacıbəyli ilə bağlı qərarını verdi

SON DƏQİQƏ! 23 ilin məmuru işdən AZAD OLUNDU

Ədliyyə nazirinin müavinləri harada təhsil alıblar?

Prezidentin general-leytenant rütbəsi verdiyi Adil Abdullayev kimdir?

Martın 4-də Avropa Komissiyasının rəhbəri Ursula fon der Leyen Avropa İttifaqını 800 milyard avro məbləğində yenidən silahlandırmaq planını təklif edib. AK həmçinin Aİ ölkələri üçün hava hücumundan müdafiə sistemlərinin və Ukrayna üçün silahların istehsalı üçün 150 milyard avro kredit cəlb etmək niyyətindədir.

Fevralın sonunda “Financial Times” qəzeti avropalı rəsmilərə istinadən xəbər verir ki, Aİ ölkələri Avropanın yenidən silahlanma bankının və ümumavropa müdafiə maliyyəsi üçün fondun yaradılmasını müzakirə edir.

Bundan əvvəl Avropa Komissiyasının rəhbəri Putin haqqında sərt danışıb.

Nigar