Saakaşvilinin cinayət işində maraqlı detallar: Şam yeməyinə,geyimlərə xəsrclənən pullar...

DÜNYA

386

14.03.2025, 14:10

Gürcüstanın keçmiş prezidenti Mixail Saakaşvili yeni cəzasını 2012-ci ildə “ABŞ prezidenti Donald Trampla şam yeməyi” ilə izah edib.

Oxu24.com xəbər verir ki, bu barədə o, Facebook səhifəsində yazıb.

“Bidzina İvanişvilinin göstərişi ilə prokurorluq mənə qarşı “dövlət vəsaitlərinin mənimsənilməsi” maddəsi ilə iş açdı və bu iş mənim prezident olduğum müddətdə ofisimdəki rəsmi xərclərə əsaslanıb.

Bu vəsaitlər əsasən xarici səfərlər və Cozef Bayden və Hillari Klinton kimi xarici liderlərin və məşhur siyasətçilərin qəbulu üçün istifadə olunub. İşdəki sənədlər arasında şam yeməyi üçün qəbzlər və 2012-ci ildə Donald Trampın Tbilisi və Batumidə qəbulu ilə bağlı digər xərclər də var.

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş — Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

İttihamlar arasında Polşa prezidenti Lex Kaçinski və Çexiyanın keçmiş prezidenti Vatslav Havelin dəfn mərasiminə göndərilən güllərə görə ödənişlər də daxildir. Müalicə xərclərim, rəsmi kostyumlar və digər əyləncə xərclərim daxildir",-deyə keçmiş prezident yazıb.

Xatırladaq ki, martın 12-də Gürcüstan məhkəməsi Mixail Saakaşvilini vəsaitlərin mənimsənilməsi işi üzrə 9 il müddətinə azadlıqdan məhrum edib. Saakaşvili hazırda 6 il cəza çəkir. Ona qarşı daha iki iş üzrə də hökmlər çıxarılmışdı: Sandro Girqvlianinin qatillərinin əfv edilməsi və deputat Valeri Gelaşvilinin döyülməsi. Yeni həbs müddəti Mixail Saakaşvilinin həbs edildiyi andan - 2021-ci il oktyabrın 1-dən hesablanacaq. Belə ki, hökmə əsasən, o, 2030-cu il oktyabrın 1-də azadlığa çıxa biləcək. Eyni zamanda, onun barəsində 2007-ci il noyabrın 7-də baş vermiş hadisələr və sərhədi qanunsuz keçmə ilə bağlı məhkəmə prosesləri davam etdirilir.

Miri