Yerin dərinliyində nəhəng şəhər aşkarlandı

DÜNYA

489

26.03.2025, 20:10

İtaliyalı tədqiqatçılar Misirin Giza piramidalarının altında 1200 metrdən çox uzanan nəhəng yeraltı şəhər aşkar etdiklərini iddia edirlər. Bu kəşf piramidaların özündən 10 dəfə böyük yeraltı tikililərin mövcudluğunu ortaya qoyur.

Oxu24.com xəbər verir ki, Florida Konqres üzvü Anna Paulina Luna bu yeraltı tikililər haqqında paylaşım edərək ictimaiyyətin diqqətini çəkib.

Sosial media platformalarında kəşflə bağlı şərhlər onun dəqiqliyi və elmi əsasları ilə bağlı böyük müzakirələrə səbəb olub.

İtalyan alimlər bildirirlər ki, yeraltı şəhərlərin varlığına dair məlumatları peyk radarları və yeraltı seysmik hərəkətlər əsasında kiçik titrəyişlərdən əldə ediblər. Bu yeni radar texnologiyası fiziki qazıntılar olmadan yeraltı təbəqələrin üçölçülü təsvirini almağa imkan verir.

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş — Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

Araşdırmaya görə, Giza piramidalarının altında 640 metr hündürlükdə səkkiz şaquli silindrik quruluş var. Bu strukturlar piramidaların hər biri üçün ayrıca tapılıb. Bundan əlavə, 1220 metr dərinlikdə digər naməlum strukturlar aşkar edilib.

Bu qabaqcıl texnologiyaya baxmayaraq, müstəqil ekspertlər bu kəşfin etibarlılığına şübhə ilə yanaşırlar. Onlar iddia edir ki, bu dərinliyə nüfuz etmək və yüksək keyfiyyətli təsvirlər əldə etmək çox çətindir. Mütəxəssislər bu tapıntıların illüziya və ya yanlış şərhin nəticəsi ola biləcəyini söyləyirlər.