ABŞ Okeaniyada sunami təhlükəsi barədə xəbərdarlıq edib

news/2025_03_30/depositphotos_85602506_l_2015_pic905_895x505_29976_1743343649.jpg

DÜNYA

482

30.03.2025, 18:06

ABŞ Milli Okean və Atmosfer İdarəsi (NOAA) güclü zəlzələdən sonra Tonqa sahillərində sunami təhlükəsi barədə xəbərdarlıq edib.

Oxu24.com xəbər verir ki, bu barədə TASS məlumat yayıb.

NOAA zəlzələnin maqnitudasını 7,3, ABŞ Geoloji Xidməti (USGS) və Avropa-Aralıq dənizi Seysmoloji Mərkəzi isə 7,1 bal gücündə qiymətləndirib.

Bundan əvvəl USGS məlumat vermişdi ki, zəlzələ saat 12:18-də (Bakı vaxtı ilə 16:18) Tonqa Krallığının Haapai adalarında Panqai şəhərindən 90,5 kilometr cənub-şərqdə baş verib. Şəhərin əhalisi 1,7 min nəfərdir. Yeraltı təkanların mənbəyi 10 km dərinlikdə yerləşib.

NOAA-nın məlumatına görə, zəlzələnin episentrindən 300 km radiusda sunami dalğaları mümkündür.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Martın 28-də Myanmada hər birinin maqnitudası 7,7 olan bir neçə güclü zəlzələ baş verib. Zəlzələlər Tailand, Çin və Vyetnamda hiss olunub. Myanmada bir sıra binalara ziyan dəyib, çoxlu sayda insan xəstəxanaya yerləşdirilib. Yeraltı təkanlar İravadi çayı üzərindəki körpünün dağılmasına və tarixi Mandalay Sarayının qismən dağılmasına səbəb olub. Hakimiyyət fövqəladə vəziyyət elan edib.

Banqkokda göydələnlər yellənməyə başlayıb və damdakı hovuzlardan su tökülüb. Həmçinin şəhərin rayonlarından birində tikintisi başa çatmamış hündürmərtəbəli bina uçub.

Bundan əvvəl Yunan adalarını müəmmalı zəlzələlər silsiləsinin narahat etdiyi bildirilmişdi.

Nigar