Pakistanda yaraqlıların əlində Amerika silahları tapılıb

DÜNYA

207

14.04.2025, 12:45

ABŞ qoşunlarının 2021-ci ildə çıxarılmasından sonra Əfqanıstanda qalan Amerika silahları kütləvi şəkildə Pakistanın qara bazarında üzə çıxıb və separatçı qrupların əlinə keçib.

Bu barədə “The Washington Post”un araşdırmasında deyilir.

Nəşrin məlumatına görə, ABŞ Əfqanıstan hakimiyyətinə təxminən 7 milyard dollar dəyərində silah, o cümlədən 250 min avtomat, 18 min gecəgörmə cihazı və minlərlə digər müdafiə sistemi qoyub. Pentaqon deyir ki, ABŞ bu silahlara görə məsuliyyət daşımır, çünki onlar rəsmi olaraq Əfqanıstan hökumətinə təhvil verilib.

Əfqanıstanda Taliban hakimiyyətə gəldikdən sonra bu silah ehtiyatları zəif qorunan sərhəddən Pakistana daşınmağa başladı. Yerli dilerlərdən biri WP-yə bildirib ki, ən son Amerika gecəgörmə cihazları endirimli qiymətlərlə, 2000 dollarlıq cihaz isə cəmi 300 dollara satılır. 2025-ci ilə qədər belə məhsullar hələ də Pakistan bazarlarında mövcuddur.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Pakistan hökumət mənbələrinin məlumatına görə, bu silahlar hazırda Pakistan Talibanı və Bəluc separatçıları tərəfindən istifadə edilir. Belə ki, martın 11-də Bəlucistan Azadlıq Ordusu tərəfindən sərnişin qatarına edilən hücum zamanı məhz Amerika silahlarından istifadə edilib.

Pakistan kəşfiyyat agentlikləri bildirirlər ki, yaraqlıların texnoloji avadanlıqları, o cümlədən gecəgörmə cihazları və dronları onlarla mübarizəni çətinləşdirir.

Artan təhlükə fonunda Pakistan hakimiyyəti ABŞ prezidenti Donald Trampdan müdaxilə etməyi və Amerika silahlarının yayılmasını dayandırmağı xahiş edib.

Miri