Almanlar rus səfirini hədələdilər

Almaniyanın Brandenburq federal əyalətinin hakimiyyəti Rusiyanın Almaniyadakı səfiri Sergey Neçayevi İkinci Dünya Müharibəsinin başa çatmasının ildönümünə həsr olunmuş mərasimdə iştirak edəcəyi təqdirdə onu ölkədən çıxarmaqla hədələyib.

Bu barədə Brandenburq Memorial Fondunun direktoru Aksel Drekolla istinadən "Bild" nəşri yazıb.

"Rusiyanın Ukraynaya hücumundan sonra Rusiya səfirliyinə hər hansı anım tədbirində iştirakını qadağan etdik. Əgər səfir iştirak etməyə cəhd edərsə, təhlükəsizlik qüvvələri ilə sıx əməkdaşlıq şəraitində daxili qaydalarımıza əməl olunmasını təmin edəcəyik", - Drekoll bildirib.

Belə sərt mövqeyə səbəb Neçayevin rəsmi qadağalara baxmayaraq, xatirə tədbirlərində iştirakdan imtina etmək niyyətində olmadığını vurğulayan bəyanatları olub. Bild diplomatın sözlərindən sitat gətirir: “Bizə açıq ictimai yerlərdə sovet azadçılarının və nasizm qurbanlarının xatirəsini yad etmək və Qələbə Gününü qeyd etmək üçün xüsusi dəvətə ehtiyac yoxdur.

Nəşrin məlumatına görə, dəvətnamənin olmamasına baxmayaraq, Sergey Neçayev artıq Seelow Heights memorial kompleksini ziyarət edib. Bu isə rəsmilərin narahatlığına səbəb olub. Almaniyanın xarici işlər naziri Annalena Baerbok və Brandenburqun baş naziri Dietmar Voidke (SPD) gələcəkdə belə səfərlərin qarşısını almaq niyyətindədirlər, Bild yazır.

Həmçinin oxuyun

Leyla Əliyeva xalasını doğum günündə belə TƏBRİK ETDİ  

Respublikanın ən gənc  prorektoru  Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi?  - SUALA CAVAB 

Bundan əvvəl Almaniya Xarici İşlər Nazirliyi regional hakimiyyət orqanlarına Rusiya və Belarus nümayəndələrinin İkinci Dünya Müharibəsinin başa çatması ilə bağlı tədbirlərdə iştirakına icazə verməmək barədə tövsiyə göndərib.

Agentlik bəyan edib ki, Rusiya tərəfi İkinci Dünya Müharibəsinin xatirəsindən siyasi alət kimi istifadə edir və onu qanunsuz olaraq Ukraynaya qarşı təcavüzkar müharibə ilə əlaqələndirir.

“Berliner Zeitung”un qeyd etdiyi kimi, daxili sənədə əsasən, Rusiya və ya Belarus rəsmiləri xəbərdarlıq etmədən gələrsə, mərasimlərin təşkilatçıları onların ölkədən çıxarılmasına qədər tədbirlər görmək hüququna malikdir.

Aprelin 17-də Bundestaqın mətbuat xidməti təsdiqləyib ki, Rusiya və Belarus səfirləri İkinci Dünya Müharibəsinin başa çatmasının 80 illiyinə həsr olunmuş anım tədbirlərinə dəvət edilməyib. Bu qərarın Almaniya federal hökumətinin mövqeyi nəzərə alınaraq qəbul edildiyi vurğulanır.

Nigar