Rusiya və Çin ABŞ-ın “Qızıl Qübbə”yə qarşı

news/2025_05_08/848455_src_1746711577.jpg

DÜNYA

231

08.05.2025, 17:58

Rusiya və Çin qlobal strateji sabitliyə dair birgə bəyanat qəbul ediblər. Orada tərəflər Amerikanın Qızıl Qübbə proqramının sabitliyi dərindən pozduğunu bəyan ediblər.

Oxu24.com xəbər verir ki, sənədə əsasən, layihə ABŞ-ı istənilən raket təhdidlərindən qorumaq üçün “məhdudiyyətsiz, qlobal, dərin qatlı və çoxdomenli raketdən müdafiə sistemi”nin yaradılmasını nəzərdə tutur.

Qızıl Qübbənin yerdən istifadəsi ilə yanaşı, ABŞ kosmosda döyüş əməliyyatlarının aparılması üçün öz arsenalını gücləndirmək niyyətindədir.

“Tərəflər ayrı-ayrı ölkələrin kosmosdan silahlı qarşıdurma məqsədləri üçün istifadə etmək cəhdlərinə qarşıdırlar və hərbi üstünlük əldə etməyə, kosmosun “döyüş məkanı” kimi rəsmi tanınmasına və istifadəsinə yönəlmiş təhlükəsizlik siyasətinə və fəaliyyətlərinə qarşı çıxacaqlar”, - Kremlin saytında yer alan sənəddə deyilir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Bu baxımdan Rusiya və Çin kosmosda hər hansı hərbi təsirin qarşısını almaq üçün qlobal müqavilə yaratmağı planlaşdırır. Saziş “kosmosda silahlanma yarışını” dayandırmalı və kosmik obyektlərə hücum riskini aradan qaldırmalıdır.

ABŞ prezidenti Donald Tramp yanvarın 28-də “Qızıl Qübbə” layihəsinin yaradılması haqqında sərəncam imzalayıb. SpaceX kompleksin ilkin mühəndislik və layihələndirmə işlərinin dəyərini 6-10 milyard dollar arasında qiymətləndirib. CNN-in məlumatına görə, “Qızıl Qübbə” İsrailin “Dəmir Qübbə” raketdən müdafiə sisteminə bənzəyəcək, lakin sonuncu yalnız kiçik icmaları qorumaq üçün nəzərdə tutulub.

Nigar