Fransa Durova qadağa qoyub

news/2025_05_20/852675_src_1747746829.jpeg

DÜNYA

241

20.05.2025, 17:25

"Politico" xəbər verir ki, Fransa hakimiyyəti Telegram-ın həmtəsisçisi Pavel Durovun investisiya fondları ilə danışıqlar aparmaq üçün ABŞ-a getməsi xahişini rədd edib.

Qəzet yazır ki, Paris prokurorluğu mayın 12-də qərarını “xaricə belə səfərin zəruri və əsaslı görünməməsi əsasında” qəbul edib. Orada bildirilir ki, Durovun Fransanı icazəsiz tərk etməsi qadağandır. Prokurorluq bildirib ki, Durov bundan əvvəl martın 15-dən aprelin 7-dək Dubaya getmək üçün icazə alıb.

Bundan əvvəl Durov bildirmişdi ki, Fransa Xarici Kəşfiyyat Baş İdarəsinin rəhbəri Nikolas Lerner yazda prezident seçkiləri ərəfəsində Rumıniya mühafizəkarlarının kanallarını susdurmağı xahiş edib, lakin rədd cavabı alıb. Fransa kəşfiyyatı bu məlumatı təkzib edir.

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş — Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

Ötən il avqustun 24-də Durov Parisin Le Burje hava limanında bir sıra ittihamlarla, o cümlədən cinayətkar qrupun tərkibində qeyri-qanuni əməliyyatların aparılması üçün onlayn platformanın idarə olunmasında iştirak etməkdə ittiham olunaraq həbs edilib.

Belə bir cinayət, Paris prokurorluğunun bəyanatına görə, 10 ilə qədər həbs və 500 min avro cərimə ilə cəzalandırıla bilər. İstintaq hakiminin qərarı ilə iş adamı 5 milyon avroluq girov ödəmək öhdəliyi ilə məhkəmə nəzarətinə verilib. O, həmçinin həftədə iki dəfə polis bölməsinə müraciət etmək tapşırılıb və Fransanı tərk etmək qadağan edilib.

Nigar