Rusiya Zaporijjya AES-ni işə salmağa hazırlaşır

news/2025_05_27/855309_src_1748355025.jpg

DÜNYA

217

27.05.2025, 18:09

Rusiya Ukraynanın işğal olunmuş hissəsində, ehtimal ki, Zaporojya atom elektrik stansiyasını onun elektrik şəbəkəsinə birləşdirmək üçün elektrik xətləri çəkir.

Bu barədə “The New York Times” Greenpeace hesabatına istinadən yazır.

Hesabatda dərc olunan peyk görüntüləri elektrik ötürücü xətlərin çəkilişini sübut edir. Rusiya 2025-ci il fevralın əvvəlindən Azov dənizi sahili boyunca işğal olunmuş Mariupol və Berdyansk arasında 80 kilometrdən çox elektrik xətləri çəkib.

Greenpeace-in məlumatına görə, tikintinin məqsədi yeni xətləri 225 kilometr məsafədə yerləşən Zaporojya Atom Elektrik Stansiyasına qoşulan Mariupol yaxınlığındakı böyük yarımstansiyaya birləşdirməkdir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

“The New York Times” qeyd edir ki, Moskvanın dəqiq planları qeyri-müəyyən olaraq qalır. Suallar yaranır ki, Rusiya müharibədən sonra atom elektrik stansiyasının fəaliyyətini bərpa etməyi planlaşdırır, yoxsa hərbi əməliyyatlar davam edərkən bunu etmək istəyir. Ekspertlərin fikrincə, Rusiya stansiyanı öz enerji sisteminə qoşmaq üçün daha bir neçə elektrik xətti çəkməli olacaq.

Greenpeace-in nüvə enerjisi üzrə mütəxəssisi Şon Berni peyk görüntülərini Rusiya prezidenti Vladimir Putinin Zaporijjya AES-i yenidən işə salmaq planlarının ilk təsdiqi adlandırır.

“The New York Times” qeyd edir ki, bu, bir ölkənin digər ölkənin nüvə obyektini ələ keçirməsi və sonra onu öz enerji ehtiyacları üçün istifadə etməsi ilk dəfə ola bilər. Qəzet əlavə edir ki, bu, ABŞ prezidenti Donald Tramp administrasiyasının stansiyanın taleyini sülh danışıqlarında müzakirə etmək üçün son səylərinə zidd olacaq.

Nigar