Britaniya xüsusi təyinatlılarını Ukraynaya göndərdi

DÜNYA

664

16.04.2022, 21:49

Britaniya xüsusi təyinatlıları Kiyev və onun ətrafında Ukrayna hərbçilərinin təlimlərini bərpa edib.

OXU24.COM UNİAN-a istinadən bildirir ki, bu barədə "The Times"a ukraynalı zabitlər məlumat verib.

Belə ki, kapitan Yuri Mironenkonun sözlərinə görə, təxminən iki həftə əvvəl Kiyevdə Britaniya Xüsusi Hava Xidmətinin (SAS) əsgərləri hərbçilərə NLAW tank əleyhinə sistemlərdən istifadə etməyi öyrədiblər.

İki batalyonun zabitləri biri ötən həftə, digəri isə bir həftə əvvəl Britaniya Xüsusi Qüvvələrindən hərbi təlim keçib.

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş — Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

Böyük Britaniya Müdafiə Nazirliyi bu cür əməliyyatları şərh etməmək qərarına istinad edərək, ukraynalı komandirlərin məlumatını təsdiqləməkdən imtina edib.

Britaniyadan olan təlimatçılar əvvəllər ukraynalı hərbçilərlə işləyiblər, lakin fevralın ortalarında krallığın Müdafiə Nazirliyi onları geri çağırıb. Daha sonra departament Rusiya ilə Ukrayna arasında münaqişə olacağı təqdirdə britaniyalıların döyüşlərdə iştirak etməyəcəyini bildirib.

Xatırladaq ki, mart ayında Rusiya ordusu Yavorovski poliqonuna - Beynəlxalq Sülhün Müdafiəsi və Təhlükəsizlik Mərkəzinə hava zərbələri endirib. Nəticədə doqquz nəfər öldü, onlarla qurban var.

"Rusiya Lvov yaxınlığındakı Beynəlxalq Sülhməramlı və Təhlükəsizlik Mərkəzinə hücum edib. Orada əcnəbi təlimatçılar işləyir. Qurbanlar barədə məlumatlar dəqiqləşdirilir. Bu, Aİ-NATO sərhədi yaxınlığında sülh və təhlükəsizliyə qarşı yeni terror aktıdır. Bunun qarşısını almaq üçün tədbirlər görülməlidir. Səmanı bağlayın", - deyə Ukraynanın müdafiə naziri Aleksey Reznikov vurğulayıb.