Bu işə Baş İdarədə baxılacaq

HÜQUQ

1412

17.02.2025, 15:09

Mehman Məmmədov Baş İdarədə dindirildi

Ağstafa rayonu Köçəsgər kənd sakini Mehman Məmmədovun Azərbaycan Respublikası Cinayət Məcəlləsinin 29.120.2-ci maddəsində nəzərdə tutulmuş cinayət əməlini törətməkdə təqsirləndirilən oğlu Sərxan Məmmədova məhkəmə tərəfindən barəsində aşağı həddə cəza təyin olunması vədi ilə həmkəndlisi Ələsgər Cabbarov və onun vasitəsi ilə tanış olduğu İbadət Məhərrəmov tərəfindən dələduzluğa məruz qalmasına dair dəfələrlə məlumat vermişik.M.Məmmədovun ərizəsi əsasında Tovuz Rayon Polis Şöbəsinin istintaq bölməsində araşdırma aparılaraq Azərbaycan Respublikası CPM-nin 39.1.2-ci maddəsinə əsasən cinayət işinin başlanmasının rədd edilməsi haqqında qərar qəbul olunmuşdur.

Lakin, material tələb edilərək Tovuz Rayon Prokurorluğunda öyrənilmiş və 07 oktyabr 2024-cü il tarixli qərarla ləğv edilərək yenidən araşdırılmaq üçün Tovuz Rayon Polis Şöbəsinin istintaq bölməsinə qaytarılmışdır.

Həmçinin oxuyun

Ən çox generalı olan nazir - Heydərovun müavinləri haqqında MARAQLI FAKTLAR

Türkiyə Gültəkin Hacıbəyli ilə bağlı qərarını verdi

SON DƏQİQƏ! 23 ilin məmuru işdən AZAD OLUNDU

Ədliyyə nazirinin müavinləri harada təhsil alıblar?

Araşdırmanın obyektiv davam etdirilməsi üçün 27 yanvar 2025-ci il tarixdə Azərbaycan Respublikası Daxili İşlər Nazirliyinin Baş İstintaq və Təhqiqat İdarəsinin Ağır Cinayətlərin İstintaqı Şöbəsinə göndərilmişdir. Bir neçə gün öncə şikayətçi Mehman Məmmədov həmin İdarənin müstəntiqi,polis polkovnik-leytenantı Elgün Hüseynov tərəfindən dindirilib. Ərizəçi M.Məmmədovun sözlərinə görə, müstəntiq E.Hüseynov araşdırmanın nəticəsindən asılı olaraq qanunamüvafiq qərarın qəbul ediləcəyi barədə bildirib.

Miri Məcidli