Sport yaylar: 150 manatlıq cərimə?— Ekspert danışır

news/2025_04_11/usta_masin_1744357491.jpg

HÜQUQ

1145

11.04.2025, 11:32

Bir çox sürücülər avtomobilinin yaylarını sport üslublu yaylarla əvəz etmək istəyir. Bəzi hallarda isə avtomobillər konstruksiya dəyişikliyi adı altında cərimə meydançasına salınır. Bəs, həqiqətən də sürücü avtomobilini sport yayla əvəzləyərsə, cərimələnə bilər?

Bu dəfə təqdim etdiyimiz mövzu avtomobilimizin yaylarını sport yayla əvəz etmək barəsindədir.

Oxu24.com oxuculara hüquqi yardım layihəsi çərçivəsində bu suala aydınlıq gətirib.

Mövzu ilə bağlı saytımıza açıqlama verən nəqliyyat üzrə ekspert Hüseyn Məmmədzadə bildirib ki, Yol Hərəkəti Haqqında 30.5-ci maddəsinə nəzər salaq: İstismarda olan nəqliyyat vasitəsi həmin modelin normativ-texniki sənədlərində nəzərdə tutulmayan hissələr quraşdırmaq yolu ilə onun konstruksiyasının parametrlərinin dəyişdirilməsi beynəlxalq normativlərə və standartlara uyğun gəlməlidir.

Nəqliyyat vasitəsinin tam kütləsinin və bu kütlənin oxlar üzrə paylanmasının, ağırlıq mərkəzinin pozulmasına səbəb olan dəyişikliklər edilməsi qadağandır.

Loru dildə desək, sport yayların tək arxa və ya tək qabağa quraşdırılması qadağandır. Yayların bu cür vəziyyətdə quraşdırılması NV ağırlıq mərkəzinin pozulmasına səbəb olur. Belə olan halda İnzibati Xətalar Məcəlləsinin 342.2.3-cü maddəsinin tələbi pozulur və sürücü 150 manat məbləğində cərimə edilir.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Sport yaylar özü özlüyündə konstruksiya dəyişikliyi hesab edilmir. Əsas odur NV tam kütləsi oxlar üzrə düzgün paylansın və ağırlıq mərkəzi pozulmasın.

"Beləliklə, düzgün quraşdırılan orijinal sertifikatlı sport yaylar görə cərimə tətbiq etmək qanuna ziddir",-deyə ekspert bildirib.

Bəs,qanunsuz cərimə tətbiq olunarsa, nə etməliyik?

Əgər, sizə qanunsuz cərimə tətbiq etdiyini düşünürsünüzsə, Bakı Şəhər Dövlət Yol Polisinin 902 saylı qaynar xəttinə müraciət edə və ya bu barədə məhkəməyə şikayət edə bilərsiniz.

Hazırladı: Toğrul Əhmədzadə