Türkiyə və Ermənistanın birgə əməliyyatı: Tutulan şəxslər kimlərdir? (VİDEO)

Türkiyə Daxili İşlər Nazirliyi bildirib ki, mütəşəkkil cinayətkarlıqla məşğul olan və İnterpol tərəfindən “qırmızı xəbərdarlıq” almış şəxslər Ermənistan tərəfi ilə aparılan danışıqlar nəticəsində Ermənistandan Türkiyəyə aparılıb.

 

Oxu24.com xəbər verir  ki,bu barədə “A Haber” məlumat yayıb.

Türkiyə Daxili İşlər Nazirliyinin açıqlamasında deyilir: “Cinayətkar qruplaşmanın lideri Ercan Yılmaz 43 həbs qərarı ilə 15 il ölkə daxilində, 14 il isə İnterpolun qırmızı bülleteni ilə beynəlxalq axtarışda idi; İbrahim Kaymak 10 həbs qərarı ilə 6 il milli axtarışda idi.Onlar Ermənistanda saxlanılıblar. Bu gün onlar törətdikləri cinayətlərə görə Türkiyə ədaləti qarşısında cavab vermək üçün Türkiyəyə gətiriliblər”.

Türkiyə Daxili İşlər Nazirliyi əməkdaşlığa görə Türkiyənin Ədliyyə və Xarici İşlər nazirliklərinə, Qaçaqmalçılıq, Mütəşəkkil Cinayətkarlıq və Kəşfiyyat İdarələrinə, eləcə də Ermənistanın ədliyyə nazirinin müavini Tiqran Daduntsa təşəkkür edib.

Eyni zamanda Ermənistan Xarici İşlər Nazirliyi İrəvanın Türkiyədə mütəşəkkil cinayətkarlıqla məşğul olan iki şəxsi ekstradisiya etdiyini bildirib: “İnterpolun təqdim etdiyi sorğuya cavab olaraq, 2025-ci il yanvarın 19-da Ermənistan Türkiyə ərazisində mütəşəkkil cinayətkarlıqla məşğul olan iki şəxsi ekstradisiya edib.",-deyə Ermənistan tərəfi yaydığı rəsmi açıqlamada qeyd edib.

 

 

 

 

 

View this post on Instagram

 

Həmçinin oxuyun

Nişanlı olan şəhid mayorun saatı 9 ay sonra haradan tapıldı? -Tükürpədici hadisə 

Nərgiz Cəlilova hansı generalın xanımıdır? - Diktorun maraqlı HƏYATI

Azərbaycanda qadın sənətçi buna görə həbs olunubmuş   —  Sui-qəsd ittihamı (VİDEO)

Maşın almaq istəyənlərə VACİB XƏBƏR: Bazardan son qiymətlər +VİDEO

 

 

 

 

 

 

 

 

 

 

A post shared by oxu24.com (@oxu24.comm)

Nigar