İqtisad Universitetində diplom qalmaqalı    —   Nazirliklə   UNEC  nəyi araşdıra bilmir?

Universiteti bitirsə də,diplomunu ala bilmir.

Bu şikayətlə Oxu24.com saytına müraciət edən  şikayətçi  Əliyev Ağa Çingiz oğlu  özü məlumat verib.

Onun sözlərinə görə, 2023-cü tədris ilində  Azərbaycan Dövlət İqtisad Universitetinin (UNEC) İqtisadiyyat və İdarəetmə fakültəsinin bakalavr pilləsini  bitirsə də, bu günə qədər ona məlum olmayan səbəblərdən ali təhsil haqqında diplomunu ala bilmir.

“Mən Universitetə Dərbənd filialından köçürmə yolu ilə gəlmişəm.Bütün imtahanları,hətta Dövlət İmtahanını da vermişəm.Heç bir problemim olmadığı halda diplomu ala bilmirəm”,-deyə  keçmiş tələbə bildirib.

Sayt məsələ ilə bağlı Universitetlə əlaqə saxlayıb. İctimaiyyətlə əlaqələr şöbəsinin müdiri Elnarə Məmmədova açıqlamasında məsələdən xəbərdar olduqlarını bildirib.

“Həmin məzun Dərbənd filialından UNEC-ə köçürülüb. Dərbənd filialının məzunlarına, eləcə də filialdan UNEC-ə köçürülən məzunlara diplom blanklarının verilməsi barədə ETN-ə müraciət olunub. Hazırda nazirlikdə bununla bağlı işlər görülür, müvafiq araşdırmalar aparılır. Proses tamamlandıqdan sonra məzunlar diplomlarını ala biləcəklər”,- deyə açıqlamada qeyd olunur.

Sayt məsələ ilə bağlı Elm və Təhsil Nazirliyinə də sorğu ünvanlayıb. Nazirlikdən şifahi olaraq bu məsələyə münasibət bildirmək istəmədiklərini bildirdilər.

Həmçinin oxuyun

Respublikanın ən gənc  prorektoru  Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi?  - SUALA CAVAB 

Gəncləşmiş ölümlərin səbəbi bu imiş?   —  Mütəxəssisdən ŞOK XƏBƏRDARLIQ 

Oxu24.com  məsələ ilə bağlı vəkilə də müraciət edib.

Vəkil Sadiq Əfəndiyev bildirib ki, keçmiş tələbə məhkəməyə müraciət etmək hüququnu özündə saxlayır.

“Bizə məlum olan ilkin məlumalara əsaslanaraq deyə bilərik ki, tələbənin diplom ala bilməməsi ilə bağlı məhkəməyə müraciət etmək hüququ var.Ancaq,bu mərhələyə qədər keçmiş tələbənin atacağı bir sıra hüquqi addımlar olmalıdır. İlk olaraq tələbə rəsmi ərizə ilə Universitetin rəhbərliyinə müraciət etməlidir.Həmin ərizəyə verilən cavab onu qane etmədiyi halda şəxs məhkəməyə müraciət edə bilər.İlkin sənədələrə baxdıqda məlum olur ki, tələbə 2023-cü ildə tam qanuni əsaslarla Universiteti bitirib. Bütün bunları  təsdiq edən rəsmi sənədlər mövcuddur. Belə olan halda bu, müddət ərzində tələbəyə diplom verilməməsi ciddi qanun pozuntusu sayıla bilər. Əgər,qarşı  tərəf  daxili araşdırma aparırsa,bu müəyyən müddətə qədər olmalıdır.Yəni,daxili araşdırma qeyri-müəyyən müddətə qədər aparıla bilməz”,-  deyə  vəkil  bildirib.

Sayt məsələni diqqətdə saxlayacaq.

Miri Məcidli