Karantin günlərində Unibank borcları tələb edir : Vətəndaşlara faiz hesablanır

Koronavirusla əlaqədar olaraq ölkədə karantin rejimi tətbiq olunduğu  bir vaxtda Unibank vətəndaşlar ödəniş tələb  edib.

Oxu24.com xəbər  verir  ki, bu gün səhər saatlarından etibarən  bank əməkdaşları  vətəndaşlara zəng edərək  ödənişin ödəmək lazım olduğunu bildirib.

Daha sonra məlum olub ki, gcikdirilən günlər üzrə vətəndaşlara faiz hesablanır.  Bu barədə saytımıza məlumatı vətənda. Mircəlal Məcidov bildirib.

Onun sözlərinə  görə, bankın əməkdaşı ona zəng dərək ödənişin gecikdiyini xatırladıb  və əlavə faizin yığıldığını bildirib.

"Bu gün səhər 055 5004147  nömrəsindən mənə zəng gəldi. Unibankın əməkdaşı kimi özünü təqdim edən şəxs ödənişin gecikdyini xatırlatdı. Ona koronavirusla bağlı  vəziyyətin çətinliyini bildirdim.Bank əməkdaşı dedi ki,Mərkəzi Bankdan onlara tapşırıq verilib ki, ödənişlər vətəndaşlardan alınsın. Daha sonra məlum oldu ki, mənə gecikən günlər üzrə faiz hesablanıb.

Həmin faizi  və  aylıq ödənişi  məcbur qalıb ödədim. Çünki bankın əməkdaşı mənə dedi ki, adınız qara  siyahıya düşəcək  və  kredit  blankınız  korlana bilər."

Oxu24.com məsələ ilə  bağlı bankla  əlaqə saxlayıb.

Unibankın  mətbuat  xidmətindən verilən məlumata  görə,gecikən günlərə  görə  bank  tərəfindən  faiz hesablanmır.

"Unibank rəhbərliyinin qərarı ilə karantin müddətini nəzərə alaraq, mart və aprel aylarında kredit ödənişlərinə gecikmə günlərinə görə faiz hesablanmır. Bank  əməkdaşları  tərəfindən müştərilərə kredit  ödənişlərinin onlayn kanallar  vasitəsi ilə mümkünlüyü haqda xatırlatma zəngləri edilir", deyə bankdan  bildirilib.