“AŞPA-nın Gürcüstanla bağlı qərarı çox ədalətsizdir”

SİYASƏT

191

31.01.2025, 13:11

“Gürcüstan parlament nümayəndə heyətinin AŞPA-dan çıxmaq qərarı ədalətsiz münasibətə və ikili standartlara qarşı düzgün qərardır”.

Oxu24.com xəbər verir ki, bunu “Report”a gürcü ekspert Vado Şakarişvili deyib.

Onun sözlərinə görə, AŞPA və ya başqa bir təşkilat nümayəndəliyi üçün yeni seçkilər tələb edirsə, bu, təhqirdir və qəbuledilməzdir:

“Gürcüstanın demokratik hökuməti davamlı olaraq öz suverenliyini təmin etmək, sülhü qorumaq və milli maraqları müdafiə etmək istiqamətində çalışır. Lakin AŞPA-nın Gürcüstan ilə bağlı verdiyi qərar çox ədalətsizdir”.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Ekspert bildirib ki, hər kəs Gürcüstan xalqının iradəsini və Gürcüstanın demokratik hökuməti üçün səs vermiş 1 milyon 120 min seçicinin qərarını hörmətlə qarşılamalıdır.

V.Şakarişvili qeyd edib ki, əgər gələcəkdə Gürcüstana qarşı ədalətsiz münasibət uzun müddət davam etməzsə, Avropa Şurasının Parlament Assambleyasına qayıtmaq məsələsi müzakirə oluna bilər:

“Əsas siyasi mesaj budur ki, Gürcüstan öz suverenliyini, sülhü və milli maraqlarını möhkəm müdafiə etməkdə davam edəcək, Avropa bürokratiyasından gələn siyasi təzyiqlərə isə yox deyir”.

“Məlumdur ki, avrobürokratiya “dərin dövlət”in nəzarəti altındadır və Trampın yeni administrasiyasına baxmayaraq, hələ də Bayden administrasiyasının siyasətini həyata keçirir. Bu da uzun sürməyəcək və tezliklə hər şey öz axarına dönəcək”, - ekspert əlavə edib.