Rusiya şokda: Makron Trampa Ukrayna ilə bağlı görün nə təklif etdi

Xəbər verdiyimiz kimi, Fransa prezidenti Emmanuel Makron Ağ Evdə ABŞ prezidenti Donald Trampla görüşüb.

 

OXU24.COM xəbər verir ki, Makron görüşdən sonra Trampla birgə mətbuat konfransında Ukraynanın ABŞ-a olan borcunun Rusiya tərəfindən ödənilməli olduğunu bildirib.

 

"ABŞ-ın ödədiyi pulu Ukrayna deyil, Rusiya ödəməlidir. Çünki hücum edən Rusiya olub", - Makron deyib.

 

Makron Trampın "Avropa Ukraynaya kömək edir və onlar pullarını geri alırlar. Biz də bunu almalıyıq" fikrinə aydınlıq gətirib:

 

"Avropada 230 milyard dollarlıq dondurulmuş Rusiya aktivləri var. Bu rus aktivləri kredit üçün girov sayılmır. Çünki onlar bizim mülkümüz deyil. Yəni onlar dondurulub. Nə vaxtsa Rusiya ilə edəcəyimiz müzakirələrdə bu pulu bizə verməyə hazır olsalar əla olardı. Rusiya da bunun bədəlini ödəmiş olar”.

 

Digər tərəfdən, Tramp Makronun sözlərindən məmnunluğunu bəyan edib:

 

"Makronun Ukraynada sülhün əldə edilməsinin xərclərini və yükünü təkcə ABŞ deyil, həm də Avropa xalqlarının çəkəcəyi ilə razılaşdığından məmnunam. Həmçinin məmnunam ki, o, Avropanın Ukraynanın uzunmüddətli təhlükəsizliyinin təmin edilməsində mərkəzi rol oynamalı olduğunu qəbul edir".