Korotçenkodan XƏBƏRDARLIQ: “İrana hücum gündəmdədir, Rusiya əlindən gələni edəcək”

“Bu gün baş verən bütün çıxışlar çox güclü bir özbaşınalığın olduğunu göstərir. İran İslam Respublikasının əsas nüvə infrastrukturu obyektlərinə qarşı qabaqlayıcı raket zərbələrinin endirilməsi gündəmdədir. Bununla yanaşı, belə bir əməliyyata İsrailin də böyük məmnuniyyətlə qoşulacağı düşünülür”.

Oxu24.com xəbər verir ki,bu fikirləri Bizim.Media-ya açıqlamasında Xəzər Strateji Araşdırmalar İnstitutunun baş direktoru İqor Korotçenko deyib.

Gərginlik arta bilər

ABŞ-İran arasındakı gərginliyi, mümkün müharibə riskini və iki ölkə arasında Rusiyanın mövqeyi barəsində danışan analitik, gərginliyin arta biləcəyini bildirib.

“İsrailin uzaqmənzilli raket zərbələri də daxil olmaqla, müvafiq zərbə vasitələrinə malik olduğu da məlumdur. Yaxın Şərqdə vəziyyət çətinləşir, çünki İran, ABŞ və İsrailin müəyyən uğur və uğursuzluqla mübarizə apardığı qruplaşmalardan fərqli olaraq, kifayət qədər güclü və səmərəli bir dövlətdir. İran həm insan resurslarına, həm də müxtəlif mənzilli raket sistemlərinə malikdir. İran cavab zərbələri endirməyə hazır olduğunu bəyan edir və bu zərbələr müəyyən ABŞ ada ərazilərini də əhatə edə biləcək məsafədə ola bilər. Bu, doğrudurmu, ya yox — bu sual indi Pentaqon və Trampın gəlişi ilə rəhbərlikdə dəyişikliklər baş vermiş Mərkəzi Kəşfiyyat İdarəsi (CIA) üçün ciddi başağrısına çevrilib”.

Baş verə biləcək gərginliyin Qafqaz ölkələrinə də təsiri ola bilər:

Həmçinin oxuyun

Bayağı ifaçılara efirlərə qadağa qoyulub 

Səudiyyə Ərəbistanı səfiri  jurnalistlərlə görüşdü    —   FOTOLAR

Sevinc öldü,Leyla yaralandı   —  Detalları

Yanlış diaqnoz və qəfil ölüm  — Fəxri Xiyabanda yer yoxdur deyib orada dəfn etmədilər 

“Vəziyyət kifayət qədər gərgindir. Mən hesab edirəm ki, Cənubi Qafqaz ölkələrinin maraqları baxımından ABŞ və İsrailin İranla müharibəsi zərərli və kontrproduktivdir, həmçinin bu, həm geosiyasi, həm də hərbi cəhətdən proqnozlaşdırılması çətin nəticələrə gətirib çıxara bilər. Buna görə də müharibənin reallığa çevrilməsinə imkan verməmək üçün bütün imkanlardan istifadə olunmalıdır. Bu baxımdan hesab edirəm ki, Tehranın yeni prezidenti ilk növbədə diplomatik imkanlardan istifadə edərək ABŞ-la birbaşa hərbi qarşıdurma risklərini azaltmağa yönəlmiş müəyyən siyasət aparacaq”.

İqor Korotçenko əlavə edib ki, mümkün gərginlik Rusiyanın da maraqlarına cavab vermir.

“Qonşu ölkələrə gəldikdə isə, xüsusilə Rusiya hadisələrin eskalasiyasına qəti şəkildə qarşı çıxır və Tehranla Vaşinqton arasında danışıqlara vasitəçilik etmək üçün bütün metod və təsir imkanlarından istifadə etməyə hazırdır. Hərçənd müxtəlif versiyalara görə, bu rolu Fars körfəzi ölkələri və ya Cənubi Qafqaz ölkələri də üzərinə götürə bilər.

Hər halda, vəziyyət hələlik ilkin mərhələdədir. Tramp bütün dünya ilə iqtisadi müharibə aparmağa, bir sıra dövlətlərlə hərbi əməliyyatlara başlamağa hazır görünür. Bununla belə, elə təəssürat yaranır ki, Vaşinqtonun əsas hədəfi və rəqibi İran deyil, məhz Çindir. Buna görə də ümid edirik ki, diplomatik və siyasi vasitələrlə vəziyyəti yumşaltmaq və müharibənin qarşısını almaq üçün səylər göstəriləcək”, - deyə İqor Korotçenko əlavə edib. /Bizim.Media/