Miqren ağrıları zamanı bu qida və içkilər köməyə gələ bilər

TİBB

528

25.05.2025, 10:00

Miqren şokolada və qazlı içkilərə qarşı istəyi artıra bilər.

Bu barədə "The Conversation"a Durham Universitetinin Nevrologiya kafedrasının professoru Amanda Ellison bildirib.

Onun sözlərinə görə, miqren ağrıları zamanı kofeinli qazlı içkilərə həvəs artır, hücum başlamazdan əvvəl isə şokolad istəyi gəlir.

Mütəxəssisin fikrincə, hətta ağrı baş verməzdən əvvəl - miqrenin prodromal fazasında - bir çox insan emosional dəstək almaq və ya xüsusi bir şey istehlak etmək arzusuna qapılır. Bəzi insanlar soyuq su içməyə üstünlük verir, bəziləri isə şokolad və "fast-food"a əl atır.

Alimin sözlərinə görə, bütün bu hərəkətlər beynin miqrenin pozduğu kimyəvi tarazlığı bərpa etmək üçün şüursuz cəhdlərini əks etdirir:

"Belə pozğunluqların əsas əlamətlərindən biri serotonin səviyyəsinin azalmasıdır. Şokolad kimi qidalar onu artıra bilər, baxmayaraq ki, şirniyyatlar bəzən miqren tətikləyicisi hesab olunur".

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Professor qeyd edib ki, miqrenin sonrakı mərhələlərində, xüsusən də ağrılı mərhələsində bədəndə damar dəyişiklikləri baş verir. Bu da qəhvə və ya qazlı içkilər içmək istəyini artırır.

"Kola kimi içkilərdə olan kofein ağrı reseptorlarına təzyiqi azaldan vazokonstriktor kimi fəaliyyət göstərir. Bu, kəskin elektrik fəaliyyəti miqren zamanı ağrıya səbəb olan trigeminal sinirin işini normallaşdırmağa kömək edir", - deyə nevroloq əlavə edib.

Doktor onu da vurğulayıb ki, şəkər və duzun orqanizmdə qlükoza və elektrolit balanssızlığını bərpa etməyə kömək edə bilər.

Bununla belə, doktor bir çox insanın miqren tutması zamanı yeməkdən imtina etdiyini və dərmana, məsələn, serotonin və histamin səviyyələrini tənzimləyən triptanlara müraciət etdiyini bildirib.

"Miqren zamanı dad üstünlüklərindəki dəyişikliklər özünü "qorumağa" çalışan beynin işini əks etdirir. Bu cür reaksiyaların başa düşülməsinə əsaslanan fərdi yanaşma miqren ağrılarının öhdəsindən gəlməyə daha effektiv kömək edir", - professor vurğulayıb. (Publika.az)