Qan artıran qidalar - SİYAHI

Qanazlığı (anemiya) son vaxtlar ən çox rast gəlinən problemlərdəndir. 

Oxu24.com  bu problemi aradan qaldırmaq üçün qan artıran qidaları təqdim edir:

1. Çuğundur - həm çiy, həm də bişmiş halda yemək olar. Salatını hazırlayıb yemək, şirəsini çəkib içmək ən yaxşı vasitədir.

2. Dəmirlə zəngin qidaları menyunuza daxil etməlisiniz. Portağal, yumurta, alma, toyuq, qaysı, kişmiş, göyərtilər, qırmızı ət, qaraciyər qanazlığının qarşısını alacaq.

3. Bir sıra vitaminlərin orqanizmdə çatışmazlığı qanazlığının səbəbi ola bilər. Məsələn, B9 vitamini çatışmazlığından qaynaqlanan anemiya ilə mübarizə aparmaq üçün qoz, fındıq, paxlalı bitkilər, yumurta sarısı yeyin. B12 ehtiva edən qabıqlı dəniz məhsulları, qızıl balıq, pendir, süd, yumurta, ət və qaraciyər həmin vitaminin orqanizmdə azalması nəticəsində meydana gələn qanazlığının çarəsi ola bilər.

4. Soya südü, itburnu çayı, qara üzüm, tut doşabı, kətan toxumu, arı balı, çiçək balı, balıq da qan artıran qidalar sırasındadır.

Qan orqanizm boyu vitamin, mineral və bioloji aktiv maddələri daşıyır. Vaxt keçdikcə qanda müxtəlif ziyanlı maddələr yığıla bilər.

Bəzi xalq təbabəti vasitələrinin köməyi ilə qanı təmizləmək və cavanlaşdırmaq mümkündür. Tanınmış rusiyalı diyetoloq Mariya Malışeva bu məqsədlə istifadə olunan bəzi təbii vasitələr haqqında danışıb.

Adi su
Orqanimi və o cümlədən qanı ən yaxşı təmizlyən təbii vasitə adi sudur. Diyetoloq suya 1 dilim limon əlavə etməyi tövsiyə edir. Limon həmçinin orqanizmin daxili mühitini qələviləşdirir ki, bu da bir çox xəstəliklərin və o cümlədən xərçəngin profilaktikasıdır.

İtburnu dəmləməsi
Növbəti vasitə itburnu dəmləməsidir. İtburnu dəmləməsi qanı yaxşı təmiləyir, orqanizmi vitaminlərlə təmin edir. Hər gün 1-2 fincan (100-200 ml) itburnu çayı içmək çox faydalıdır.

Cəfəri dəmləməsi
1 x.q. xırda doğranmış cəfərinin üzərinə 1 stəkan qaynar su tökün, yarım saat dəmləyin, süzün, adi çay kimi için.

Sarıkök çayı
Yarım çay qaşığı təbii sarıkökü 1 stəkan suda dəmləyin və çay kimi için. Dadını yaxşılaşdırmaq üçün çaya bir qədər bal əlavə etmək olar.

Tərəvəz salatlarının gündəlik istehlakı da qana çox yaxşı təsir edir, qanı təmizləyir. Ən faydalı tərəvəzlər: kök, çuğundur, kələmin bütün növləri, sarımsaq. Salatlara göyərti, limon şirəsi və bir qədər zeytun yağı əlavə etmək yaxşıdır.