Rusiyadan sərt qadağa - Azərbaycanlılar bu sahələrdə işləyə bilməyəcək 

Rusiyada miqrantlara qarşı demək olar ki, hər gün yeni məhdudiyyətlər tətbiq olunur.

Bu dəfə Sankt-Peterburq şəhərində yerli hakimiyyət orqanları miqrantların kuryer və taksi sürücüsü kimi işləməsinə qadağa qoyulmasını nəzərdə tutan qərar layihəsi təqdim edib.

Sözügedən qadağa iyul ayından qüvvəyə minə bilər. Qərarın 2025-ci ilin sonuna qədər davam etməsi gözlənilir. Daha sonra uzadılması da mümkündür. Qadağa əmək patenti əsasında işləyən xarici vətəndaşlara şamil olunacaq. Məhdudiyyət Belarus, Qazaxıstan, Ermənistan və Qırğızıstan vətəndaşlarına şamil olunmayacaq, çünki bu ölkələrin vətəndaşları üçün patent tələb olunmur. Bu isə o deməkdir ki, yeni məhdudiyyətlər Azərbaycan, Tacikistan, Özbəkistan, Türkmənistan və Gürcüstan vətəndaşlarını əhatə edəcək.

Rusiyalı iqtisadçı Nikolay Kulbaka bildirib ki, bu tədbirlərin ilk və ən aydın nəticəsi taksi və kuryer xidmətlərinin qiymətlərindəki artım olacaq:

“Rusiyada hazırda işsizlik səviyyəsi təxminən 2–3 faiz təşkil edir. Bu isə iqtisadiyyatın normal fəaliyyəti üçün lazım olan səviyyədən xeyli aşağıdır. ‘Təbii işsizlik səviyyəsi’ iqtisadiyyatda 3,5–4,5 faiz kimi qəbul olunur. Yəni işçi qüvvəsi çatışmazlığı kəskin şəkildə hiss olunur. Əlbəttə, bu, regionlara və sahələrə görə dəyişir. Məsələn, taksi sektorunda miqrantların payı 70–80 faizdir. Bu səbəbdən onların sayının azalması bazarda təklifin azalmasına, nəticədə isə qiymət artımına səbəb olacaq. Biz taksi və oxşar xidmətlərin qiymətinin artdığını görəcəyik. Bu, qarşıda duran bir problemdir.”

Həmçinin oxuyun

Azərbaycan incəsənətinə ağır itki ÜZ VERİB: Məşhur siyasi xadimin qızı dünyasını dəyişdi  

Güclü leysan,ardınca qar yağacaq    —   ƏHALİYƏ XƏBƏRDARLIQ 

Bu ölkə də Rusiya əleyhinə ÇIXDI: Regionun taleyi sual altındadır  - POLİTOLOQLA MÜSAHİBƏ

Professor Nərgiz Paşayeva üçün özəl gün: Həyatı,ailəsi,yaradıcılığı haqqında MARAQLI FAKTLAR  

Rusiyada miqrantlara iş icazələrinin – yəni əmək patentlərinin verilməsi regional hakimiyyətlərin səlahiyyətindədir. Son bir il ərzində ölkənin bir çox bölgəsində bu patentlərin verilməsi qaydaları sərtləşdirilib. Bəzi regionlarda miqrantlara ictimai iaşə, ictimai nəqliyyat və taksi sahələrində işləmək qadağan olunub.

Xüsusilə Cənub regionlarında, Avrasiya İqtisadi İttifaqına daxil olmayan keçmiş sovet respublikalarından olan miqrantlara, o cümlədən azərbaycanlılara demək olar ki, bütün sahələrdə işləmək qadağandır. Yalnız tikinti sektorunda müəyyən imkanlar qalır.

Bu məhdudiyyətlərlə paralel olaraq, Rusiya hüquq-mühafizə orqanları miqrantlara nəzarəti gücləndirir. Kampaniyanın əsas təşəbbüskarlarından biri İstintaq Komitəsinin sədri, general Aleksandr Bastrıkindir.

Mənbələrin məlumatına görə, Bastrıkin miqrantların iştirak etdiyi hüquq pozuntuları, hətta ən xırda məişət hadisələrini belə şəxsi nəzarətə götürür. Son vaxtlar o, küçələrdə meyvə-tərəvəz satışı hallarını da nəzarətə götürüb.

Məsələn, sosial şəbəkələrdə Orlov vilayətində azərbaycanlıların məktəb yaxınlığında meyvə-tərəvəz satdığı barədə məlumat yayıldıqdan sonra Bastrıkin yerli idarəyə göstəriş verib ki, araşdırma aparılsın və nəticələr barədə şəxsən ona məlumat verilsin.

Bunun ardınca İvanovo vilayətindən daha bir şikayət daxil olub – sakinlər bildiriblər ki, miqrantlar ticarət mərkəzinin yanında kənd təsərrüfatı məhsulları və təsərrüfat mallarını icazəsiz satırlar. Bastrıkin bu məsələ üzrə də yerli istintaq idarəsinə təcili araşdırma aparılması və müvafiq tədbirlər görülməsi göstərişini verib.(bakupost)