ABŞ -də Ukrayna müzakirəsi

news/2025_05_30/ap_19253582532222_pic_32ratio_900x600_900x600_16316_1748620795.jpg

DÜNYA

424

30.05.2025, 19:57

ABŞ prezidenti Donald Tramp Nobel Sülh Mükafatını almaq üçün Ukraynaya verdiyi dəstəyi geri çəkə bilər.

Bunu El Pais-ə Amerika liderinin milli təhlükəsizlik üzrə keçmiş müşaviri Con Bolton deyib.

Onun sözlərinə görə, ABŞ prezidenti sonda Ukrayna məsələsindən tez nəticə əldə edə biləcəyi və ola bilsin ki, nüfuzlu mükafat ala biləcəyi başqa qaynar nöqtəyə keçəcək.

"Trampın tək istədiyi Nobel Sülh Mükafatıdır. O, Barak Obama mükafatı alandan bəri bu mükafata can atır - onun fikrincə, nahaq yerə. Mükafatı Ukrayna, Yaxın Şərq və ya Hindistan və Pakistan arasında vasitəçiliyə görə alması fərq etməz", - Bolton deyib.

O əlavə edib ki, hazırda Tramp növbəti prezident seçkilərində iştirak etməyi planlaşdırmadığı üçün siyasi nəticələr barədə düşünmür. Onun üçün əsas odur ki, öz reputasiyasını qoruyub saxlamaq və gələcəkdə özü haqqında xoş təəssürat buraxmaqdır, Bolton vurğulayıb.

Mayın 24-də “The Guardian” Aİ-dəki mənbələrinə istinadən yazıb ki, avropalı diplomatlar Donald Tramp administrasiyasının Ukraynanı dəstəkləməkdən mümkün imtina etməsindən və ABŞ-ın Rusiya ilə iqtisadi tərəfdaşlığa yönləndirilməsindən narahat olduqlarını bildirirlər.

Həmçinin oxuyun

Leyla Əliyeva xalasını doğum günündə belə TƏBRİK ETDİ

Respublikanın ən gənc prorektoru Hidayətli kimdir? - DOSYE

Onkoloq XƏBƏRDARLIQ EDİR: Xərçəng xəstəliyinə tutulduğumuzu necə bilməliyik?

Avtomobilimin işıq cihazlarında dəyişiklik edə bilərəmmi? - SUALA CAVAB

Aprel ayında Federasiya Şurasının beynəlxalq məsələlər komitəsinin sədr müavini Andrey Klimov demişdi ki, Tramp Ukraynadakı münaqişəni mümkün qədər tez həll etməyə çalışır, çünki o, ondan qurtulmaq istəyir və onu qulpsuz ağır çamadan hesab edir. O, ABŞ prezidentinin Nobel Sülh Mükafatını almaq istədiyini də istisna etməyib.

Bundan əvvəl Trampın keçmiş məsləhətçisi bildirib ki, ABŞ prezidenti özünü hamıdan yaxşı hesab edir.

Nigar